ٹک اک انصاف کر اتنی بھی کرتا ہے جفا کوئی — انعام اللہ خاں یقین
شاعر
ٹک اک انصاف کر اتنی بھی کرتا ہے جفا کوئی
ٹک اک انصاف کر اتنی بھی کرتا ہے جفا کوئی
کرے گا بعد میرے کس توقع پر وفا کوئی
نظر آتا نہیں ثابت گریباں ایک غنچہ کا
چمن پر یہ ستم کرتا ہے اے باد صبا کوئی
گل و لالہ سے شور انگیز تر ہے گی حنا تیری
نہ ہو دیوانہ کیوں کر دیکھ تیرے دست و پا کوئی
عجب سج سے کیا ہے قتل مجھ کو اس کو مت ٹوکو
طلب کرتا ہے ایسے قاتلوں سے خوں بہا کوئی
گزر جا وصل سے گر ہجر میں دیکھے رضا اس کی
محبت میں یقیںؔ لیتا ہے نام مدعا کوئی
Tik ik insaaf kar itnī bhī kartā hai jafā koī
Tik ik insaaf kar itnī bhī kartā hai jafā koī
Karegā ba'd mere kis tavaqqo' par vafā koī
Nazar aatā nahīnñ sābit girebaan ek ġhuncha kā
Chaman par ye sitam kartā hai aye baad-e-sabā koī
Gul-o-lāla se shor-angez-tar hai gī hinā terī
Na ho dīvāna kyoon kar dekh tere dast-o-pā koī
Ajab saj se kiyā hai qatl mujh ko us ko mat ṭoko
Talab kartā hai aise qātiloñ se ḳhūñ-bahā koī
Guzar jā vasl se gar hijr mein dekhe razā us kī
Mohabbat mein Yaqīn letā hai naam mudda'ā koī
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں