وہ کون دل ہے جہاں جلوہ گر وہ نور نہیں — انعام اللہ خاں یقین
شاعر
وہ کون دل ہے جہاں جلوہ گر وہ نور نہیں
وہ کون دل ہے جہاں جلوہ گر وہ نور نہیں
اس آفتاب کا کس ذرہ میں ظہور نہیں
کوئی شتاب خبر لو کہ بے نمک ہے بہار
چمن کے بیچ دوانوں کا اب کے شور نہیں
تجلیوں سے پہنچتا ہے کب اسے آسیب
صنم کدہ ہے نہ آخر یہ کوہ طور نہیں
ترے سفر کی خبر سن کے جان دھڑکوں سے
جو پہنچوں مرگ کے نزدیک میں تو دور نہیں
کوئی بھی دیتا ہے لڑکوں کے ہاتھ شیشۂ دل
یقیںؔ میں غور سے دیکھا تو کچھ شعور نہیں
Voh kaun dil hai jahāñ jalva-gar voh nūr nahīnñ
Voh kaun dil hai jahāñ jalva-gar voh nūr nahīnñ
Us āftāb kā kis zarra mein zahūr nahīnñ
Koī shitāb ḳhabar lo ki be-namak hai bahār
Chaman ke bīch devānoñ kā ab ke shor nahīnñ
Tajalliyoñ se pahuñchtā hai kab use āseb
Sanam-kada hai na āḳhir ye koh-e-tūr nahīnñ
Tere safar kī ḳhabar sun ke jaan dhaṛkoñ se
Jo pahuñchūñ marg ke nazdīk maiñ to dūr nahīnñ
Koī bhī detā hai laṛkoñ ke haath shīsha-e-dil
Yaqīn maiñ ġhaur se dekhā to kuchh shu'ūr nahīnñ
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں