یہ سینہ عشق سے محروم درد و داغ نہیں — انعام اللہ خاں یقین
شاعر
یہ سینہ عشق سے محروم درد و داغ نہیں
یہ سینہ عشق سے محروم درد و داغ نہیں
ہزار شکر کہ یہ ملک بے چراغ نہیں
مت اختلاط کر اے نو بہار اب ہم سے
چمن کے ہونے کا اس خاک کو دماغ نہیں
یہ بلبلوں کا صبا مشہد مقدس ہے
قدم سنبھال کے رکھیو ترا یہ باغ نہیں
خدا کرے کہ یہ روشن رہے قیامت تک
چراغ گور ہے مستوں کا یہ ایاغ نہیں
گلی میں یار کی دل بھول جا پڑا تھا یقیںؔ
پھر ان دنوں سے دوانے کا کچھ سراغ نہیں
Yeh seena ishq se mehroom-e-dard-o-daagh nahin
Yeh seena ishq se mehroom-e-dard-o-daagh nahin
Hazaar shukr ke yeh mulk be-chiragh nahin
Mat ikhtilaat kar aye nau-bahaar ab hum se
Chaman ke hone ka is khaak ko dimaagh nahin
Yeh bulbulon ka saba mashhad-e-muqaddas hai
Qadam sambhal ke rakhiyo tera yeh baagh nahin
Khuda kare ke yeh roshan rahe qayaamat tak
Chiragh-e-gor hai maston ka yeh ayagh nahin
Gali mein yaar ki dil bhool ja pada tha Yaqeen
Phir in dinon se deewane ka kuch suraagh nahin
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں