یہ وہ آنسو ہیں جن سے زہرہ آتش ناک ہو جاوے — انعام اللہ خاں یقین
شاعر
یہ وہ آنسو ہیں جن سے زہرہ آتش ناک ہو جاوے
یہ وہ آنسو ہیں جن سے زہرہ آتش ناک ہو جاوے
اگر پیوے کوئی ان کو تو جل کر خاک ہو جاوے
نہ جا گلشن میں بلبل کو خجل مت کر کہ ڈرتا ہوں
یہ دامن دیکھ کر گل کا گریباں چاک ہو جاوے
گنہ گاروں کو ہے امید اس اشک ندامت سے
کہ دامن شاید اس آب رواں سے پاک ہو جاوے
عجب کیا ہے تری خشکی کی شامت سے جو تو زاہد
نہال تاک بٹھلاوے تو وہ مسواک ہو جاوے
دعا مستوں کی کہتے ہیں یقیںؔ تاثیر رکھتی ہے
الٰہی سبزہ جتنا ہے جہاں میں تاک ہو جاوے
Yeh wo aansoo hain jin se zohra aatish-naak ho jaawe
Yeh wo aansoo hain jin se zohra aatish-naak ho jaawe
Agar peeve koi un ko to jal kar khaak ho jaawe
Na ja gulshan mein bulbul ko khajil mat kar ke darta hoon
Yeh daaman dekh kar gul ka garebaan chaak ho jaawe
Gunahgaaron ko hai umeed is ashk-e-nadaamat se
Ke daaman shayad is aab-e-rawaan se paak ho jaawe
Ajab kya hai teri khushki ki shaamat se jo tu zaahid
Nihaal-e-taak bithlaawe to wo miswaak ho jaawe
Dua maston ki kehte hain Yaqeen taaseer rakhti hai
Ilaahi sabza jitna hai jahan mein taak ho jaawe
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں