دبلی پتلی — اقتدار جاوید
شاعر
دبلی پتلی
شگن بھری خواب سے جڑی ہے
زمانہ رفتار سے بندھا ہے
زمانے کو آپ زید کہہ لیں
بکر کو سمجھیں
مجھے سمجھ لیں یا خود کو کہہ لیں
زمانہ رفتار سے بندھا ہے
شگن بھری کا وہ خواب وہ آفتاب روشن ہے
جو
افق کے محیط کو روندتا نکلتا ہے
شب کے اسفنج سے سیاہی نچوڑتا ہے
وہ نیند اور نیند کے اندھیروں کی کوکھ کو توڑتا ہے
وہ
وقت کی یخ آلودہ جھیل کو چھیدتا ہے
تو سانئے ابلتے ہیں
جیسے جیسے شگن بھری کی بخار والی سفید آنکھوں سے جیسے موتی ٹپک رہے ہوں
زمانہ رفتار سے بندھا ہے
وہ تیز رفتار جے جے ونتی کی راگنی کی دھنوں پہ رقصاں ہے
موت سے بے خبر زمیں کی نہایتوں سے ورا نکلتا
وہ اپنی رفتار سے بندھا ہے
یہ کیسی سمتیں ہیں جو کہیں بھی نہیں نکلتیں
یہ کیسا طوفاں ہے جو مسلسل ہے
زندگانی مہا بھنور ہے
زمانہ بے جان ایک تنکا
کوئی ترازو ہے
جس کا شاہیں کہیں نہیں ہے
زمانہ گہرا کنواں گھڑی کی عظیم اور لازوال ٹک ٹک
کی لال کٹھنائیاں
زمیں کی نہایتیں اور
الگ کمرے میں کھیلتے بے نیاز بچے اور ان کی آیا
سب ایک پلڑے سے جڑ رہے ہیں
اور
ایک پلڑے میں دبلی پتلی شگن بھری ہے
شگن بھری خواب سے جڑی ہے
اقتدار جاوید
Dubli patli
Shagun bhari khwab se judi hai
Zamana raftaar se bandha hai
Zamane ko aap Zaid keh len
Bakr ko samjhen
Mujhe samajh len ya khud ko keh len
Zamana raftaar se bandha hai
Shagun bhari ka woh khwab woh aftaab roshan hai
Jo
Ufaq ke muheet ko rondta nikalta hai
Shab ke isfanj se siyahi nichodta hai
Woh neend aur neend ke andheron ki kokh ko todta hai
Woh
Waqt ki yakh alooda jheel ko chhedta hai
To sanehe ubalte hain
Jaise jaise Shagun bhari ki bukhaar wali sufaid aankhon se jaise moti tapak rahe hon
Zamana raftaar se bandha hai
Woh tez raftaar Jay Jaywanti ki ragini ki dhunon pe raqsan hai
Maut se be-khabar zameen ki nihayaton se wara nikalta
Woh apni raftaar se bandha hai
Yeh kaisi simtein hain jo kahin bhi nahin nikalti hain
Yeh kaisa toofan hai jo musalsal hai
Zindagani maha bhanwar hai
Zamana be-jaan ek tinka
Koi tarazu hai
Jis ka shaheen kahin nahin hai
Zamana gehra kunwaan ghadi ki azeem aur lazaawaal tik tik
Ki laal kathnaiyan
Zameen ki nihayatein aur
Alag kamre mein khelte be-niyaaz bachche aur un ki aaya
Sab ek palde se jud rahe hain
Aur
Ek palde mein dubli patli Shagun bhari hai
Shagun bhari khwab se judi hai
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں