جو مشکل تھی اسے آساں بناتا جا رہا تھا — اقتدار جاوید
شاعر
جو مشکل تھی اسے آساں بناتا جا رہا تھا
جو مشکل تھی اسے آساں بناتا جا رہا تھا
کہ جو ہوتا تھا میں اس کو بھلاتا جا رہا تھا
مجھے بھی اپنی سچائی پہ ذرہ بھر نہ شک تھا
زمانہ بھی قسم اپنی اٹھاتا جا رہا تھا
کوئی تھا جو کہ تکتا جا رہا تھا کارخانہ
کوئی تھا کارخانہ جو چلاتا جا رہا تھا
بدلتی جا رہی تھی میری حالت لحظہ لحظہ
کسی کو جس طرح میں یاد آتا جا رہا تھا
کہیں اندھی بھکارن لڑکھڑاتی جا رہی تھی
جو پانی تھا زد جاروب کھاتا جا رہا تھا
زلیخائے زمانہ میری آنکھوں میں چھپی تھی
یہ ملک مصر تھا اور سوت کاتا جا رہا تھا
جو پانی تھا وہ اک دہشت میں بڑھتا آ رہا تھا
جو دریا تھا کناروں کو اڑاتا جا رہا تھا
زمانوں کے مطابق باب بندھتے جا رہے تھے
کنار وقت میں فصلیں لگاتا جا رہا تھا
کہاں اندھے کنوئیں ہیں ان کو بھرتا جا رہا تھا
کہاں رستے ہی رستے ہیں بتاتا جا رہا تھا
اقتدار جاوید
Jo mushkil thi use aasan banata ja raha tha
Jo mushkil thi use aasan banata ja raha tha
Ke jo hota tha main us ko bhulata ja raha tha
Mujhe bhi apni sachai pe zarra bhar na shak tha
Zamana bhi qasam apni uthata ja raha tha
Koi tha jo ke takta ja raha tha karkhana
Koi tha karkhana jo chalata ja raha tha
Badalti ja rahi thi meri halat lahza lahza
Kisi ko jis tarah main yaad aata ja raha tha
Kahin andhi bhikaran ladkhadati ja rahi thi
Jo paani tha zad jaroob khata ja raha tha
Zulaikha-e-zamana meri aankhon mein chhupi thi
Yeh mulk-e-Misr tha aur soot kaat'ta ja raha tha
Jo paani tha woh ek dahshat mein badhta aa raha tha
Jo darya tha kinaron ko udata ja raha tha
Zamanon ke mutabiq baab bandhte ja rahe the
Kinaar-e-waqt mein faslein lagata ja raha tha
Kahan andhe kunwein hain un ko bharta ja raha tha
Kahan raste hi raste hain batata ja raha tha
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں