کیسے آئینے سے اس نوع کا جوہر نکلا — اقتدار جاوید
شاعر
کیسے آئینے سے اس نوع کا جوہر نکلا
کیسے آئینے سے اس نوع کا جوہر نکلا
یہ چمن زار بھی کس دشت میں آ کر نکلا
یہ سلیمان کی جنگاہ تھی کیڑی خاطر
مجھ سے جیسے متحارب کوئی لشکر نکلا
یہ رڑک آنکھ میں موجود ہے پہلے دن سے
پانیوں سے بھرے میدان سے پتھر نکلا
اول اول جو تھا بے شکل وہ پورا ہو کر
اب مرے ورطۂ اظہار سے باہر نکلا
ایک اک لفظ سے صد رنگ مطالب پھوٹے
جب کنواں کھودا تو نیچے سے سمندر نکلا
اس پرندے نے نہیں دیکھی تھی ایسی وسعت
وہ ہوا سے کبھی نیچے کبھی اوپر نکلا
جیسی موجود تھی دل میں کوئی خواہش سو وہ ہے
کوئی مشرک نہ کوئی مکے سے منکر نکلا
کسی جانب بھی نہ پلڑے بھرا شاہین گرا
جس ترازو پہ بھی تولا وہ برابر نکلا
جو اڑا دیتا فلک اور ستاروں کا ہجوم
آفتاب ایسا مری راتوں میں اکثر نکلا
اقتدار جاوید
Kaise aaine se is nau' ka jauhar nikla
Kaise aaine se is nau' ka jauhar nikla
Yeh chamanzaar bhi kis dasht mein aa kar nikla
Yeh Sulaiman ki jangaah thi keedi khatir
Mujh se jaise mutaharrib koi lashkar nikla
Yeh radak aankh mein maujood hai pehle din se
Paaniyon se bhare maidan se patthar nikla
Awwal awwal jo tha be-shakl woh poora ho kar
Ab mere warta-e-izhaar se bahar nikla
Ek ek lafz se sad rang matalib phoote
Jab kunwaan khoda to neeche se samundar nikla
Us parinde ne nahin dekhi thi aisi wusat
Woh hawa se kabhi neeche kabhi oopar nikla
Jaisi maujood thi dil mein koi khwahish so woh hai
Koi mushrik na koi Makke se munkir nikla
Kisi jaanib bhi na palde bhara shaheen gira
Jis tarazu pe bhi tola woh barabar nikla
Jo uda deta falak aur sitaron ka hujoom
Aaftab aisa meri raaton mein aksar nikla
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں