مجھ کو معلوم ہے بارگاہ سخن میں بڑا کون ہے — اقتدار جاوید
شاعر
مجھ کو معلوم ہے بارگاہ سخن میں بڑا کون ہے
مجھ کو معلوم ہے بارگاہ سخن میں بڑا کون ہے
کس کو نیچے گرا کر کچل کر اسی پر کھڑا کون ہے
یہ اگر میں نہیں کون پانی میں ہے مضطرب اس طرح
یہ اگر تو نہیں تو کناروں کی صورت گڑا کون ہے
یہ مرا مسئلہ رات دن کا نہیں کوئی تنکا نہیں
کشتیوں والی حیران ہے کہ بھنور میں اڑا کون ہے
دونوں کی زندگی زندگی دوستی نبھ رہی ہے بہت
ایک مچھلی ہے اور ایک پانی ہے یہ آنکڑا کون ہے
کوئی لذت بھرا کوئی ندرت بھرا اس زمیں سے الگ
یہ پکا پھل نہیں تو درختوں سے آخر جھڑا کون ہے
ایک بارش کے بعد ایک دو بوندوں والے سمے کی طرح
جو مرے سنگ ہو رنگ ہی رنگ ہو وہ دھڑا کون ہے
بے پرت بے صفت جیسے بھی ہیں یہاں آمنے سامنے
جو ہے اوٹوں بھرا اور کہیں پر ہے پرتوں پڑا کون ہے
کوئی سیال سونا ہے اک جس کا ہونا بتایا ہوا
سارے اک جیسے ہیں ویسے کے ویسے اس کا جڑا کون ہے
کوئی سورج نہیں جو افق چیر کر سامنے آ سکے
کوئی گھاٹی نہیں کون اترا یہاں سے چڑھا کون ہے
اقتدار جاوید
Mujh ko maloom hai bargah-e-sukhan mein bada kaun hai
Mujh ko maloom hai bargah-e-sukhan mein bada kaun hai
Kis ko neeche gira kar kuchal kar isi par khada kaun hai
Yeh agar main nahin kaun paani mein hai muztarib is tarah
Yeh agar tu nahin to kinaron ki soorat gada kaun hai
Yeh mera masla raat din ka nahin koi tinka nahin
Kashtiyon wali hairan hai ke bhanwar mein uda kaun hai
Donon ki zindagi zindagi dosti nibh rahi hai bahut
Ek machhli hai aur ek paani hai yeh aankda kaun hai
Koi lazzat bhara koi nudrat bhara is zameen se alag
Yeh pakka phal nahin to darakhton se akhir jhuda kaun hai
Ek barish ke baad ek do boondon wale samay ki tarah
Jo mere sang ho rang hi rang ho woh dhada kaun hai
Be-parat be-sifat jaise bhi hain yahan aamne saamne
Jo hai ooton bhara aur kahin par hai paraton pada kaun hai
Koi syal sona hai ek jis ka hona bataya hua
Saare ek jaise hi hain waise ke waise is ka juda kaun hai
Koi sooraj nahin jo ufuq cheer kar saamne aa sake
Koi ghati nahin kaun utra yahan se chadha kaun hai
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں