اقتدار جاوید — شاعر کی تصویر

مجھ کو میری شخصیت سے با خبر کرتا ہے تو — اقتدار جاوید

شاعر

تعارف شاعری

مجھ کو میری شخصیت سے با خبر کرتا ہے تو

مجھ کو میری شخصیت سے با خبر کرتا ہے تو
لفظ و معنی کس طرح باہم دگر کرتا ہے تو
منقسم ہوتے ہیں روز و شب ہمارے سامنے
وقت ظاہر کس طرح گھڑیال پر کرتا ہے تو
جاں بنی ہے بود و باش آدمی کے واسطے
یہ مکاں تعمیر سب سے پیشتر کرتا ہے تو
یہ مرا انعام کتنا جان پاتا ہوں تجھے
یہ مری توفیق کتنا معتبر کرتا ہے تو
شکر بھی اک پنجگانہ فرض ہے بہر ادا
کیا محبت ہے کہ اس کو ہم سفر کرتا ہے تو
راس آتی ہے دم صبح سیدھ سطروں کی تجھے
رات بھر خم دار گلیوں سے گزر کرتا ہے تو
یوں بھی اس کا نین نقشہ بھولنے والا نہیں
آنکھ میں رکھ کر اسے محفوظ تر کرتا ہے تو
رات بھی چھتری ہے جو کھلتی نہیں پوری طرح
کیفیت جو رات کے پچھلے پہر کرتا ہے تو
جس طرح الفاظ کو میں ڈھالتا ہوں شعر میں
جس طرح ریشم کے کیڑے کو خبر کرتا ہے تو

Mujh ko meri shakhsiyat se ba-khabar karta hai tu

Mujh ko meri shakhsiyat se ba-khabar karta hai tu
Lafz-o-maani kis tarah baham digar karta hai tu
Munqasim hote hain roz-o-shab hamare saamne
Waqt zahir kis tarah ghadiyal par karta hai tu
Jaan bani hai bood-o-bash aadmi ke vaste
Yeh makaan tameer sab se peshtar karta hai tu
Yeh mera inaam kitna jaan pata hoon tujhe
Yeh meri taufiq kitna mo'atabar karta hai tu
Shukr bhi ik panj-gana farz hai ba-har ada
Kya mohabbat hai ke us ko humsafar karta hai tu
Raas aati hai dam-e-subh seedh satron ki tujhe
Raat bhar kham-daar galiyon se guzar karta hai tu
Yoon bhi us ka nain naqsha bhoolne wala nahin
Aankh mein rakh kar use mehfooz-tar karta hai tu
Raat bhi chhatri hai jo khulti nahin poori tarah
Kaifiyat jo raat ke pichhle pehar karta hai tu
Jis tarah alfaaz ko main dhalta hoon sher mein
Jis tarah resham ke keede ko khabar karta hai tu

شاعر کے بارے میں

اقتدار جاوید

اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...

مکمل تعارف پڑھیں

دیگر کلام