ناشتے کی میز پر — اقتدار جاوید
شاعر
ناشتے کی میز پر
پلک نواز بوڑھے والدین کی نگاہ
اہل خاندان پر پڑے
تو دور افق کی گھاٹیوں سے
صبح
اپنے رنگ و نور سے لدی پھندی نکل پڑے
مکاں جہاں مقیم بوڑھے والدین ہوں
وہاں رکے
رکے تو اپنا سونے جیسا روپ اس مکاں پہ وار دے
مکاں کے سارے زنگ کو اتار دے
یہ لوگ تو عظیم شہر ہیں
عظیم شہر کا قدیم اندرون ہیں
یہاں وہاں تھڑے ہیں
جن پہ لوگ بیٹھ کر
تمام دن کی راکھ کو اڑا سکیں
ذرا سا ہنس سکیں
ذرا سا اپنے آپ کو رلا سکیں
یہ لوگ تو سرائے کی کلید ہیں
جہاں پہ دنیا والے اک سکوں کی رات کاٹ لیں
جو چاروں اور گھیرتا ہے وہ محیط پاٹ لیں
یہ لوگ تو خلا کی ثقل ہیں
فلک کا رنگ ہیں
اگر نہ ان کا ساتھ ہو
نہ دھوپ ہو کرن بھری
فلک نہ نیل رنگ ہو
یہ کون ہیں
کہ جن کی عطر سے بھری ہوا
کہ جن کا عطر سے بھرا وجود عکس ریز ہے
کہاں سے آ رہی ہیں
ارغنون کی دھنیں
یہ ارغوانی باغ ہے کہ
ناشتے کی میز ہے
نزار کم بدن
جو ایک قاش سنگترے کی ناشتے کی میز سے اٹھائیں
تو پھلوں میں رس پڑے
جو دھیرے سے ذرا مسکرائیں
سارا خاندان ہنس پڑے
اقتدار جاوید
Nashte ki mez par
Palak nawaz boodhe walidain ki nigah
Ahl-e-khandaan par pade
To door ufaq ki ghaatiyon se
Subah
Apne rang-o-noor se ladi phandi nikal pade
Makan jahan muqeem boodhe walidain hon
Wahan ruke
Ruke to apna sone jaisa roop us makan pe waar de
Makan ke saare zang ko utaar de
Yeh log to azeem shehar hain
Azeem shehar ka qadeem andaroon hain
Yahan wahan thadhe hain
Jin pe log baith kar
Tamaam din ki raakh ko uda saken
Zara sa hans saken
Zara sa apne aap ko rula saken
Yeh log to saraaye ki kaleed hain
Jahan pe duniya wale ek sukoon ki raat kaat len
Jo charon aur gheer-ta hai woh muheet paat len
Yeh log to khala ki saql hain
Falak ka rang hain
Agar na in ka saath ho
Na dhoop ho kiran bhari
Falak na neel rang ho
Yeh kaun hain
Ke jin ki itr se bhari hawa
Ke jin ka itr se bhara wajood aks-raiz hai
Kahan se aa rahi hain
Arghanoon ki dhunein
Yeh arghawani baagh hai ke
Nashte ki mez hai
Nizaar kam badan
Jo ek qaash sangtare ki nashte ki mez se uthaein
To phalon mein ras pade
Jo dheere se zara muskurayein
Saara khandaan hans pade
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں