اوس سے بھرا گلاس — اقتدار جاوید
شاعر
اوس سے بھرا گلاس
وہ پھل ہے رس بھرا
یا پھل کی رس بھری اساس ہے
ہے سب کے سامنے
یا عین درمیان پیڑ کے
چھپا ہوا ہے بیج کی طرح
لبوں کو کھولتی ہوئی
وہ عام گفتگو ہے
یا لبوں کو سیل کرتا
اک معاملۂ خاص ہے
مری طرح وہ شاد کام ہے
یا خاندان والوں کی طرح اداس ہے
وہ آ گیا تو ہو گئی ہے جامنی فضا
یا اور ہے کوئی
کہ جس کا جامنی لباس ہے
ہے باغ کی روش
یا مین گیٹ کے قریب
لہلہاتی گھاس ہے
وہ اوس ہے
یا اوس سے بھرا پڑا گلاس ہے!!
اقتدار جاوید
Os se bhara gilaas
Woh phal hai ras bhara
Ya phal ki ras bhari asaas hai
Hai sab ke saamne
Ya ain darmiyan peed ke
Chhupa hua hai beej ki tarah
Labon ko kholti hui
Woh aam guftagoo hai
Ya labon ko seel karta
Ek muamla khaas hai
Meri tarah woh shaad kaam hai
Ya khandaan walon ki tarah udaas hai
Woh aa gaya to ho gai hai jamani fiza
Ya aur hai koi
Ke jis ka jamani libaas hai
Hai baagh ki rawish
Ya main gate ke qareeb
Lehlahati ghaas hai
Woh os hai
Ya os se bhara pada gilaas hai!!
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں