قالین — اقتدار جاوید
شاعر
قالین
گڈریے کے سر بانسری میں
ہرن کی لبالب بھری چوکڑی
آنکھ میں
اور گردن میں لقے کبوتر کی دم رہ گئی
پہلے بجری بچھائی گئی
اور پانی کا چھڑکاؤ کرتے ہوئے
فرش کا سینہ رگڑا گیا
آئنے کی طرح
فرش کا سینہ چمکا
تو رنگین دھاگوں بھرا ایک قالین
اس پر بچھایا گیا
ایک چھوٹے سے کمرے میں
اتنا بڑا گہرے سایوں بھرا
تھوڑا بے آب
تھوڑا ہرا ایک جنگل بسایا گیا
میں درختوں پہ پھل توڑنے کے لیے
اک تنے پر چڑھا
ایک منتر پڑھا
تازہ پھل توڑتا
پھل کو میں دانتوں سے توڑتا
نیچے آیا
چمکتی ہوئی ندی سے آب سیمیں پیا
یک بیک جسم ڈھیلا پڑا
اور میں خود سے لڑا
میں نے بھالا سنبھالا
سنبھل کر ہر اک آنت کو کھینچ کر
میں نے باہر نکالا
ذرا نرم قالین اپنی جگہ سے ہلا
دیکھتے دیکھتے
نرم قالین کے شیر میں جاں پڑی
شیر نے ایک بھرپور انگڑائی لی
نیند سے تھوڑا جاگا
بھری مستی میں جبڑا کھولا
مرا دل دھڑکنے لگا
شیر آخر دہاڑا
گڈریے کے سر بانسری میں
ہرن کی لبالب بھری چوکڑی آنکھ میں
اور گردن میں لقے کبوتر کی دم رہ گئی
Qaaleen
Gadariye ke sir bansuri mein
Hiran ki labalab bhari chaukadi
Aankh mein
Aur gardan mein luqay kabutar ki dum reh gai
Pehle bajri bichhai gai
Aur paani ka chhidkawa karte hue
Farsh ka seena ragda gaya
Aaine ki tarah
Farsh ka seena chamka
To rangeen dhaagon bhara ek qaaleen
Us par bichhaya gaya
Ek chhote se kamre mein
Itna bada gehre sayon bhara
Thoda be-aab
Thoda hara ek jungle basaya gaya
Main drakhton pe phal todne ke liye
Ek tane par chadha
Ek mantar padha
Taza phal todta
Phal ko main daanton se todta
Neeche aaya
Chamakti hui nadi se aab-e-simeen piya
Yak-ba-yak jism dheela pada
Aur main khud se lada
Maine bhala sambhala
Sambhal kar har ek aant ko kheench kar
Maine bahar nikala
Zara naram qaaleen apni jagah se hila
Dekhte dekhte
Naram qaaleen ke sher mein jaan padi
Sher ne ek bharpoor angdai li
Neend se thoda jaaga
Bhari masti mein jabda khola
Mera dil dhadakne laga
Sher aakhir dhaada
Gadariye ke sir bansuri mein
Hiran ki labalab bhari chaukadi aankh mein
Aur gardan mein luqay kabutar ki dum reh gai
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں...
مکمل تعارف پڑھیں