یہ دریا ہے کوئی کہ پانی پانی گفتگو ہے — اقتدار جاوید
شاعر
یہ دریا ہے کوئی کہ پانی پانی گفتگو ہے
یہ دریا ہے کوئی کہ پانی پانی گفتگو ہے
ہوا کی ساحلوں سے بادبانی گفتگو ہے
سمندر تیری لہریں ہیں کہ زیریں اور زبریں
سمندر تیری ساری بے کرانی گفتگو ہے
اکٹھے کر رہی ہے مامتا کومل سے تنکے
شجر سے شاخچوں کی آشیانی گفتگو ہے
یہ ڈھلتی چھاؤں ہے قسمت سے ہاتھ آتے ہیں اشعار
کہ دولت کی طرح یہ آنی جانی گفتگو ہے
الگ ہیں باغ میں رنگوں کی مستعمل زبانیں
پرندے کے گلے کی سرخ گانی گفتگو ہے
بنایا ہے انہی لفظوں کو جیسے چھاج چھلنی
کہ صحراؤں کے دن کاٹے ہیں چھانی گفتگو ہے
گلی کوچوں میں خاموشی کا برپا ہے کوئی شور
کہ شہروں سے یہی نقل مکانی گفتگو ہے
چھلک اٹھتی ہے راجوں اور مہراجوں کے آگے
کسی کی رنگ زا نیندوں کی رانی گفتگو ہے
جو میں اپنی طرف سے تازہ تازہ کہہ رہا ہوں
کسی میرے ہی جیسے کی پرانی گفتگو ہے
اقتدار جاوید
Yeh darya hai koi ke paani paani guftugu hai
Yeh darya hai koi ke paani paani guftugu hai
Hawa ki saahilon se baadbaani guftugu hai
Samandar teri lahrein hain ke zeerin aur zabarin
Samandar teri saari be-karanī guftugu hai
Ikatthe kar rahi hai mamta komal se tinke
Shajar se shaakhchon ki aashiyani guftugu hai
Yeh dhalti chhaon hai qismat se haath aate hain ash'aar
Ke daulat ki tarah yeh aani jaani guftugu hai
Alag hain baagh mein rangon ki musta'mal zabanen
Parinde ke gale ki surkh gaani guftugu hai
Banaya hai inhi lafzon ko jaise chhaaj chhalni
Ke sehraon ke din kaate hain chhani guftugu hai
Gali koochon mein khamoshi ka barpa hai koi shor
Ke shehron se yahi naql makani guftugu hai
Chhalak uthti hai raajon aur maharajon ke aage
Kisi ki rang za neendon ki raani guftugu hai
Jo main apni taraf se taaza taaza keh raha hoon
Kisi mere hi jaise ki purani guftugu hai
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں