یہ مظاہر دیکھ کر ایماں سے بھر جاتا ہوں میں — اقتدار جاوید
شاعر
یہ مظاہر دیکھ کر ایماں سے بھر جاتا ہوں میں
یہ مظاہر دیکھ کر ایماں سے بھر جاتا ہوں میں
ایسے اٹھتا ہے یقیں خود سے کہ ڈر جاتا ہوں میں
رنگ ہوں اور آمد و رفت سخن اپنی مری
وقت پر آتا ہوں اپنے وقت پر جاتا ہوں میں
خواب ہوں اور سامنے آتا ہوں نیندوں میں فقط
دیکھ تیرے بخت سے اے کاریگر جاتا ہوں میں
یہ کنواں ہے ٹھنڈے پانی کا بڑی شہراہ پر
روز ہو جاتا ہوں خالی روز بھر جاتا ہوں میں
کھینچ لاتا ہوں کسی تحت الثری سے اپنا آپ
پوری دنیا پر چمکتا ہوں اتر جاتا ہوں میں
جیسے چشمہ پھوٹ پڑتا ہے پہاڑوں سے معاً
جیسے دریاؤں کا دھارا ہوں اتر جاتا ہوں میں
ایک طوفان ضیا ہوں اندھے ہو جاتے ہیں لوگ
ایک سیلاب بلا ہوں جس کے گھر جاتا ہوں میں
ابر ہوں اور جمع ہوتا ہوں چھتوں کے واسطے
اک ہوا ہوں اور شہروں سے گزر جاتا ہوں میں
اپنی اپنی باریاں ہیں اپنا اپنا وقت ہے
اے مری رو رک یہاں پر اے ہنر جاتا ہوں میں
اقتدار جاوید
Yeh mazahir dekh kar imaan se bhar jaata hoon main
Yeh mazahir dekh kar imaan se bhar jaata hoon main
Aise uthta hai yaqeen khud se ke dar jaata hoon main
Rang hoon aur aamad-o-raft-e-sukhan apni meri
Waqt par aata hoon apne waqt par jaata hoon main
Khwab hoon aur saamne aata hoon neendon mein faqat
Dekh tere bakht se aye karigar jaata hoon main
Yeh kunwaan hai thande paani ka badi shehrah par
Roz ho jaata hoon khaali roz bhar jaata hoon main
Kheench lata hoon kisi tehat-us-sara se apna aap
Poori duniya par chamakta hoon utar jaata hoon main
Jaise chashma phoot padta hai pahadon se ma'an
Jaise daryaon ka dhaara hoon utar jaata hoon main
Ek toofan-e-ziya hoon andhe ho jaate hain log
Ek sailaab-e-bala hoon jis ke ghar jaata hoon main
Abr hoon aur jama hota hoon chhaton ke vaste
Ik hawa hoon aur shehron se guzar jaata hoon main
Apni apni baariyan hain apna apna waqt hai
Aye meri ro ruk yahan par aye hunar jaata hoon main
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں