مکیں ہوں اور حدود مکاں نہیں معلوم — جمیل الدین عالی
شاعر
مکیں ہوں اور حدود مکاں نہیں معلوم
مکیں ہوں اور حدود مکاں نہیں معلوم
سنانے بیٹھ گیا داستاں نہیں معلوم
دل حزیں کو کرم کی امید کرنے دے
ابھی اسے تری مجبوریاں نہیں معلوم
گزر رہی ہے بس اک سوز و کرب پیہم میں
کہاں جلا تھا مرا آشیاں نہیں معلوم
سکوں سے منتظر امتیاز ہے اب تک
مری جبیں کو ترا آستاں نہیں معلوم
کسی کو ان کا پتہ کیا بتائیں اے عالیؔ
ہمیں تو آپ ہی اپنا نشاں نہیں معلوم
Makeen hoon aur hudood-e-makaan nahin maloom
Makeen hoon aur hudood-e-makaan nahin maloom
Sunaane baith gaya dastaan nahin maloom
Dil-e-hazeen ko karam ki umeed karne de
Abhi use teri majbooriyan nahin maloom
Guzar rahi hai bas ek soz-o-karb-e-paiham mein
Kahan jala tha mera aashiyan nahin maloom
Sukoon se muntazir-e-imtiyaz hai ab tak
Meri jabeen ko tera aastaan nahin maloom
Kisi ko un ka pata kya batayen ae Aali
Humein to aap hi apna nishaan nahin maloom
شاعر کے بارے میں
جمیل الدین عالی، جن کا اصل نام میرزا جمیل الدین احمد خان تھا، اردو کے ممتاز شاعر، نغمہ نگار، کالم نگار، دانشور اور قومی شعور کے علمبردار تھے۔ وہ 2...
مکمل تعارف پڑھیں