تمہیں مجھ میں کیا نظر آ گیا جو مرا یہ روپ بنا گئے — جمیل الدین عالی
شاعر
تمہیں مجھ میں کیا نظر آ گیا جو مرا یہ روپ بنا گئے
تمہیں مجھ میں کیا نظر آ گیا جو مرا یہ روپ بنا گئے
وہ تمام لوگ جو عشق تھے وہ مرے وجود میں آ گئے
نہ ترے سوا کوئی لکھ سکے نہ مرے سوا کوئی پڑھ سکے
یہ حروف بے ورق و سبق ہمیں کیا زبان سکھا گئے
نہ کر آج ہم سے یہ گفتگو مجھے کیوں ہوئی تری جستجو
ارے ہم بھی ایک خیال تھے سو ترے بھی ذہن میں آ گئے
جو سنا کہ گھر ترے جائیں گے ترے صحن و باغ سجائیں گے
مرے اشک اڑ کے ہوا کے ساتھ انہی بادلوں میں سما گئے
دل شب میں صبح کی دھڑکنیں ابھی ابتدائے غزل میں تھیں
کہ وہ آئے اور تمام شعر مری ہی دھن میں سنا گئے
جو نہ آپ اس پہ ہوئے عیاں یہ رکھے گا ہم کو بھی سر گراں
کئی بار لے کے شکایتیں مرے دوست ارض و سما گئے
کئی محفلوں میں تو یوں ہوا کہ جب آئے عالؔیٔ خوش ادا
جو نہ کھل سکے تو چھپے رہے جو نہ رو سکے تو رلا گئے
Tumhein mujh mein kya nazar aa gaya jo mera yeh roop bana gaye
Tumhein mujh mein kya nazar aa gaya jo mera yeh roop bana gaye
Woh tamam log jo ishq the woh mere wajood mein aa gaye
Na tere siwa koi likh sake na mere siwa koi padh sake
Yeh haroof be-waraq-o-sabaq humein kya zuban sikha gaye
Na kar aaj hum se yeh guftugu mujhe kyon hui teri justujoo
Are hum bhi ek khayal the so tere bhi zehn mein aa gaye
Jo suna ke ghar tere jaayenge tere sehan o baagh sajayenge
Mere ashk udd ke hawa ke saath unhi badalon mein sama gaye
Dil-e-shab mein subah ki dhadkanein abhi ibteda-e-ghazal mein thin
Ke woh aaye aur tamam sher meri hi dhun mein suna gaye
Jo na aap us pe hue ayan yeh rakhega hum ko bhi sar giran
Kayee baar le ke shikayatein mere dost arz o sama gaye
Kayee mehfilon mein toh yoon hua ke jab aaye Aali khush ada
Jo na khul sake toh chupe rahe jo na ro sake toh rula gaye
شاعر کے بارے میں
جمیل الدین عالی، جن کا اصل نام میرزا جمیل الدین احمد خان تھا، اردو کے ممتاز شاعر، نغمہ نگار، کالم نگار، دانشور اور قومی شعور کے علمبردار تھے۔ وہ 2...
مکمل تعارف پڑھیں