ہر ایک روح میں اک غم چھپا لگے ہے مجھے — جان نثار اختر
شاعر
ہر ایک روح میں اک غم چھپا لگے ہے مجھے
ہر ایک روح میں اک غم چھپا لگے ہے مجھے
یہ زندگی تو کوئی بد دعا لگے ہے مجھے
پسند خاطر اہل وفا ہے مدت سے
یہ دل کا داغ جو خود بھی بھلا لگے ہے مجھے
جو آنسوؤں میں کبھی رات بھیگ جاتی ہے
بہت قریب وہ آواز پا لگے ہے مجھے
میں سو بھی جاؤں تو کیا میری بند آنکھوں میں
تمام رات کوئی جھانکتا لگے ہے مجھے
میں جب بھی اس کے خیالوں میں کھو سا جاتا ہوں
وہ خود بھی بات کرے تو برا لگے ہے مجھے
میں سوچتا تھا کہ لوٹوں گا اجنبی کی طرح
یہ میرا گاؤں تو پہچانتا لگے ہے مجھے
نہ جانے وقت کی رفتار کیا دکھاتی ہے
کبھی کبھی تو بڑا خوف سا لگے ہے مجھے
بکھر گیا ہے کچھ اس طرح آدمی کا وجود
ہر ایک فرد کوئی سانحہ لگے ہے مجھے
اب ایک آدھ قدم کا حساب کیا رکھئے
ابھی تلک تو وہی فاصلہ لگے ہے مجھے
حکایت غم دل کچھ کشش تو رکھتی ہے
زمانہ غور سے سنتا ہوا لگے ہے مجھے
Har ek rooh mein ik gham chhupa lage hai mujhe
Har ek rooh mein ik gham chhupa lage hai mujhe
Yeh zindagi to koi bad duaa lage hai mujhe
Pasand-e-khaatir-e-ahl-e-wafa hai muddat se
Yeh dil ka daagh jo khud bhi bhala lage hai mujhe
Jo aansu'on mein kabhi raat bheeg jaati hai
Bahut qareeb woh aawaaz paa lage hai mujhe
Main so bhi jaaun to kya meri band aankhon mein
Tamaam raat koi jhaankta lage hai mujhe
Main jab bhi us ke khayalon mein kho sa jaata hoon
Woh khud bhi baat kare to bura lage hai mujhe
Main sochta thha ke lootoon ga ajnabi ki tarah
Yeh mera gaaon to pehchaanta lage hai mujhe
Na jaane waqt ki raftaar kya dikhaati hai
Kabhi kabhi to bada khauf sa lage hai mujhe
Bikhar gaya hai kuchh is tarah aadmi ka wujood
Har ek fard koi saaneha lage hai mujhe
Ab ek aadh qadam ka hisaab kya rakhiye
Abhi talak to wahi faasla lage hai mujhe
Hikaayat-e-gham-e-dil kuchh kashish to rakhti hai
Zamana ghaur se sunta hua lage hai mujhe
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں