ہر ایک شخص پریشان و در بدر سا لگے — جان نثار اختر
شاعر
ہر ایک شخص پریشان و در بدر سا لگے
ہر ایک شخص پریشان و در بدر سا لگے
یہ شہر مجھ کو تو یارو کوئی بھنور سا لگے
اب اس کے طرز تجاہل کو کیا کہے کوئی
وہ بے خبر تو نہیں پھر بھی بے خبر سا لگے
ہر ایک غم کو خوشی کی طرح برتنا ہے
یہ دور وہ ہے کہ جینا بھی اک ہنر سا لگے
نشاط صحبت رنداں بہت غنیمت ہے
کہ لمحہ لمحہ پر آشوب و پر خطر سا لگے
کسے خبر ہے کہ دنیا کا حشر کیا ہوگا
کبھی کبھی تو مجھے آدمی سے ڈر سا لگے
وہ تند وقت کی رو ہے کہ پاؤں ٹک نہ سکیں
ہر آدمی کوئی اکھڑا ہوا شجر سا لگے
جہان نو کے مکمل سنگار کی خاطر
صدی صدی کا زمانہ بھی مختصر سا لگے
Har ek shakhs pareshan-o-darbadar sa lage
Har ek shakhs pareshan-o-darbadar sa lage
Yeh shehr mujh ko to yaaro koi bhawar sa lage
Ab us ke tarz-e-tajahul ko kya kahe koi
Woh bekhabar to nahin phir bhi bekhabar sa lage
Har ek gham ko khushi ki tarah bartana hai
Yeh daur woh hai ke jeena bhi ik hunar sa lage
Nishat-e-sohbat-e-randaan bahut ghaneemat hai
Ke lamha lamha pur-aashob-o-pur-khatar sa lage
Kise khabar hai ke duniya ka hashar kya hoga
Kabhi kabhi to mujhe aadmi se dar sa lage
Woh tez waqt ki rau hai ke paaon tik na sakein
Har aadmi koi ukhda hua shajar sa lage
Jahan-e-nau ke mukammal sangaar ki khaatir
Sadi sadi ka zamana bhi mukhtasar sa lage
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں