ہم نے کاٹی ہیں تری یاد میں راتیں اکثر — جان نثار اختر
شاعر
ہم نے کاٹی ہیں تری یاد میں راتیں اکثر
ہم نے کاٹی ہیں تری یاد میں راتیں اکثر
دل سے گزری ہیں ستاروں کی براتیں اکثر
اور تو کون ہے جو مجھ کو تسلی دیتا
ہاتھ رکھ دیتی ہیں دل پر تری باتیں اکثر
حسن شائستۂ تہذیب الم ہے شاید
غم زدہ لگتی ہیں کیوں چاندنی راتیں اکثر
حال کہنا ہے کسی سے تو مخاطب ہے کوئی
کتنی دلچسپ ہوا کرتی ہیں باتیں اکثر
عشق رہزن نہ سہی عشق کے ہاتھوں پھر بھی
ہم نے لٹتی ہوئی دیکھی ہیں براتیں اکثر
ہم سے اک بار بھی جیتا ہے نہ جیتے گا کوئی
وہ تو ہم جان کے کھا لیتے ہیں ماتیں اکثر
ان سے پوچھو کبھی چہرے بھی پڑھے ہیں تم نے
جو کتابوں کی کیا کرتے ہیں باتیں اکثر
ہم نے ان تند ہواؤں میں جلائے ہیں چراغ
جن ہواؤں نے الٹ دی ہیں بساطیں اکثر
Hum ne kaati hain teri yaad mein raatein aksar
Hum ne kaati hain teri yaad mein raatein aksar
Dil se guzri hain sitaroN ki baraatein aksar
Aur to kaun hai jo mujhko tasalli deta
Haath rakh deti hain dil par teri baatein aksar
Husn-e-shaayista-e-tehzeeb-e-alam hai shayad
Ghamzada lagti hain kyon chandni raatein aksar
Haal kehna hai kisi se to mukhatib hai koi
Kitni dilchasp hua karti hain baatein aksar
Ishq rahzan na sahi ishq ke haathon phir bhi
Hum ne lutti hui dekhi hain baraatein aksar
Hum se ik baar bhi jeeta hai na jeetega koi
Woh to hum jaan ke kha lete hain maatein aksar
Un se poochho kabhi chehre bhi padhe hain tum ne
Jo kitaabon ki kiya karte hain baatein aksar
Hum ne in tez hawaaoN mein jalaye hain charaagh
Jin hawaaoN ne ulat di hain basaatein aksar
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں