ہم سے بھاگا نہ کرو دور غزالوں کی طرح — جان نثار اختر
شاعر
ہم سے بھاگا نہ کرو دور غزالوں کی طرح
ہم سے بھاگا نہ کرو دور غزالوں کی طرح
ہم نے چاہا ہے تمہیں چاہنے والوں کی طرح
خودبخود نیند سی آنکھوں میں گھلی جاتی ہے
مہکی مہکی ہے شب غم ترے بالوں کی طرح
تیرے بن رات کے ہاتھوں پہ یہ تاروں کے ایاغ
خوبصورت ہیں مگر زہر کے پیالوں کی طرح
اور کیا اس سے زیادہ کوئی نرمی برتوں
دل کے زخموں کو چھوا ہے ترے گالوں کی طرح
گنگناتے ہوئے اور آ کبھی ان سینوں میں
تیری خاطر جو مہکتے ہیں شوالوں کی طرح
تیری زلفیں تری آنکھیں ترے ابرو ترے لب
اب بھی مشہور ہیں دنیا میں مثالوں کی طرح
ہم سے مایوس نہ ہو اے شب دوراں کہ ابھی
دل میں کچھ درد چمکتے ہیں اجالوں کی طرح
مجھ سے نظریں تو ملاؤ کہ ہزاروں چہرے
میری آنکھوں میں سلگتے ہیں سوالوں کی طرح
اور تو مجھ کو ملا کیا مری محنت کا صلہ
چند سکے ہیں مرے ہاتھ میں چھالوں کی طرح
جستجو نے کسی منزل پہ ٹھہرنے نہ دیا
ہم بھٹکتے رہے آوارہ خیالوں کی طرح
زندگی جس کو ترا پیار ملا وہ جانے
ہم تو ناکام رہے چاہنے والوں کی طرح
Hum se bhaaga na karo door ghazalon ki tarah
Hum se bhaaga na karo door ghazalon ki tarah
Hum ne chaaha hai tumhein chaahne walon ki tarah
Khud ba khud neend si aankhon mein ghuli jaati hai
Meheki meheki hai shab-e-gham tere baalon ki tarah
Tere bin raat ke haathon pe yeh taron ke ayaagh
Khubsoorat hain magar zehr ke pyaalon ki tarah
Aur kya is se zyada koi narmi bartoon
Dil ke zakhmon ko chhuan hai tere gaalon ki tarah
Gungunaate hue aur aa kabhi in seenoN mein
Teri khaatir jo mehakte hain shuaalon ki tarah
Teri zulfen teri aankhein tere abroo tere lab
Ab bhi mashhoor hain duniya mein misaalon ki tarah
Hum se mayoos na ho ae shab-e-dauraan ke abhi
Dil mein kuchh dard chamakte hain ujaalon ki tarah
Mujh se nazrein to milao ke hazaaron chehre
Meri aankhon mein sulagte hain sawaalon ki tarah
Aur to mujh ko mila kya meri mehnat ka sila
Chand sikke hain mere haath mein chhaalon ki tarah
Justajoo ne kisi manzil pe thehrne na diya
Hum bhatakte rahe aawara khayalon ki tarah
Zindagi jis ko tera pyaar mila woh jaane
Hum to nakaam rahe chaahne walon ki tarah
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں