مدت ہوئی اس جان حیا نے ہم سے یہ اقرار کیا — جان نثار اختر
شاعر
مدت ہوئی اس جان حیا نے ہم سے یہ اقرار کیا
مدت ہوئی اس جان حیا نے ہم سے یہ اقرار کیا
جتنے بھی بد نام ہوئے ہم اتنا اس نے پیار کیا
پہلے بھی خوش چشموں میں ہم چوکنا سے رہتے تھے
تیری سوئی آنکھوں نے تو اور ہمیں ہوشیار کیا
جاتے جاتے کوئی ہم سے اچھے رہنا کہہ تو گیا
پوچھے لیکن پوچھنے والے کس نے یہ بیمار کیا
قطرہ قطرہ صرف ہوا ہے عشق میں اپنے دل کا لہو
شکل دکھائی تب اس نے جب آنکھوں کو خوں بار کیا
ہم پر کتنی بار پڑے یہ دورے بھی تنہائی کے
جو بھی ہم سے ملنے آیا ملنے سے انکار کیا
عشق میں کیا نقصان نفع ہے ہم کو کیا سمجھاتے ہو
ہم نے ساری عمر ہی یارو دل کا کاروبار کیا
محفل پر جب نیند سی چھائی سب کے سب خاموش ہوئے
ہم نے تب کچھ شعر سنایا لوگوں کو بے دار کیا
اب تم سوچو اب تم جانو جو چاہو اب رنگ بھرو
ہم نے تو اک نقشہ کھینچا اک خاکہ تیار کیا
دیش سے جب پردیش سدھارے ہم پر یہ بھی وقت پڑا
نظمیں چھوڑی غزلیں چھوڑی گیتوں کا بیوپار کیا
Muddat hui us jaan-e-haya ne hum se yeh iqraar kiya
Muddat hui us jaan-e-haya ne hum se yeh iqraar kiya
Jitne bhi badnaam hue hum utna us ne pyaar kiya
Pehle bhi khush chashmon mein hum chaukanna se rehte thhe
Teri sooyi aankhon ne to aur humein hoshiyar kiya
Jaate jaate koi hum se achhe rehna keh to gaya
Poochhe lekin poochhne wale kis ne yeh beemar kiya
Qatra qatra sarf hua hai ishq mein apne dil ka lahoo
Shakl dikhayi tab us ne jab aankhon ko khoon baar kiya
Hum par kitni baar pade yeh daure tanhaai ke
Jo bhi hum se milne aaya milne se inkaar kiya
Ishq mein kya nuqsaan nafa hai hum ko kya samjhaate ho
Hum ne saari umar hi yaaro dil ka karobaar kiya
Mehfil par jab neend si chhayi sab ke sab khamosh hue
Hum ne tab kuchh sh'er sunaya logon ko be daar kiya
Ab tum socho ab tum jaano jo chaaho ab rang bharo
Hum ne to ek naqsha kheencha ek khaaka tayyar kiya
Desh se jab pardesh sudhaare hum par yeh bhi waqt pada
Nazmein chhodi ghazlein chhodi geeton ka beopaar kiya
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں