رنج و غم مانگے ہے اندوہ و بلا مانگے ہے — جان نثار اختر
شاعر
رنج و غم مانگے ہے اندوہ و بلا مانگے ہے
رنج و غم مانگے ہے اندوہ و بلا مانگے ہے
دل وہ مجرم ہے کہ خود اپنی سزا مانگے ہے
چپ ہے ہر زخم گلو چپ ہے شہیدوں کا لہو
دست قاتل ہے جو محنت کا صلہ مانگے ہے
تو بھی اک دولت نایاب ہے پر کیا کہیے
زندگی اور بھی کچھ تیرے سوا مانگے ہے
کھوئی کھوئی یہ نگاہیں یہ خمیدہ پلکیں
ہاتھ اٹھائے کوئی جس طرح دعا مانگے ہے
راس اب آئے گی اشکوں کی نہ آہوں کی فضا
آج کا پیار نئی آب و ہوا مانگے ہے
بانسری کا کوئی نغمہ نہ سہی چیخ سہی
ہر سکوت شب غم کوئی صدا مانگے ہے
لاکھ منکر سہی پر ذوق پرستش میرا
آج بھی کوئی صنم کوئی خدا مانگے ہے
سانس ویسے ہی زمانے کی رکی جاتی ہے
وہ بدن اور بھی کچھ تنگ قبا مانگے ہے
دل ہر اک حال سے بیگانہ ہوا جاتا ہے
اب توجہ نہ تغافل نہ ادا مانگے ہے
Ranj-o-gham maange hai andoh-o-bala maange hai
Ranj-o-gham maange hai andoh-o-bala maange hai
Dil woh mujrim hai ke khud apni saza maange hai
Chup hai har zakhm-e-guloo chup hai shaheedon ka lahoo
Dast-e-qaatil hai jo mehnat ka sila maange hai
Tu bhi ek daulat-e-naayaab hai par kya kahiye
Zindagi aur bhi kuchh tere siva maange hai
Khoyi khoyi yeh nigaahein yeh khameeda palkein
Haath uthaye koi jis tarah duaa maange hai
Raas ab aayegi ashkoN ki na aahon ki faza
Aaj ka pyaar nayi aab-o-hawa maange hai
Baansuri ka koi naghma na sahi cheekh sahi
Har sukoot-e-shab-e-gham koi sada maange hai
Laakh munkir sahi par zauq-e-parastish mera
Aaj bhi koi sanam koi Khuda maange hai
Saans waise hi zamane ki ruki jaati hai
Woh badan aur bhi kuchh tang qaba maange hai
Dil har ek haal se begaana hua jaata hai
Ab tawajjo na taghaful na adaa maange hai
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں