وہ ہم سے آج بھی دامن کشاں چلے ہے میاں — جان نثار اختر
شاعر
وہ ہم سے آج بھی دامن کشاں چلے ہے میاں
وہ ہم سے آج بھی دامن کشاں چلے ہے میاں
کسی پہ زور ہمارا کہاں چلے ہے میاں
جہاں بھی تھک کے کوئی کارواں ٹھہرتا ہے
وہیں سے ایک نیا کارواں چلے ہے میاں
جو ایک سمت گماں ہے تو ایک سمت یقیں
یہ زندگی تو یوں ہی درمیاں چلے ہے میاں
بدلتے رہتے ہیں بس نام اور تو کیا ہے
ہزاروں سال سے اک داستاں چلے ہے میاں
ہر اک قدم ہے نئی آزمائشوں کا ہجوم
تمام عمر کوئی امتحاں چلے ہے میاں
وہیں پہ گھومتے رہنا تو کوئی بات نہیں
زمیں چلے ہے تو آگے کہاں چلے ہے میاں
وہ ایک لمحۂ حیرت کہ لفظ ساتھ نہ دیں
نہیں چلے ہے نہ ایسے میں ہاں چلے ہے میاں
Wo hum se aaj bhi daaman kashaan chale hai miyan
Wo hum se aaj bhi daaman-kashaan chale hai miyan
Kisi pe zor hamara kahan chale hai miyan
Jahan bhi thak ke koi karwaan theharta hai
Wahin se ek naya karwaan chale hai miyan
Jo ek simt gumaan hai to ek simt yaqeen
Ye zindagi to yunhi darmiyan chale hai miyan
Badalte rehte hain bas naam aur to kya hai
Hazaron saal se ek dastan chale hai miyan
Har ek qadam hai nayi aazmaishon ka hujoom
Tamaam umr koi imtihan chale hai miyan
Wahin pe ghoomte rehna to koi baat nahin
Zameen chale hai to aage kahan chale hai miyan
Woh ek lamha-e-hairat ke lafz saath na dein
Nahin chale hai na aise mein haan chale hai miyan
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں