آثار قدیمہ — جاوید اختر
شاعر
آثار قدیمہ
ایک پتھر کی ادھوری مورت
چند تانبے کے پرانے سکے
کالی چاندی کے عجب سے زیور
اور کئی کانسے کے ٹوٹے برتن
ایک صحرا ملے
زیر زمیں
لوگ کہتے ہیں کہ صدیوں پہلے
آج صحرا ہے جہاں
وہیں اک شہر ہوا کرتا تھا
اور مجھ کو یہ خیال آتا ہے
کسی تقریب
کسی محفل میں
سامنا تجھ سے مرا آج بھی ہو جاتا ہے
ایک لمحے کو
بس اک پل کے لئے
جسم کی آنچ
اچٹتی سی نظر
سرخ بندیا کی دمک
سرسراہٹ تری ملبوس کی
بالوں کی مہک
بے خیالی میں کبھی
لمس کا ننھا سا پھول
اور پھر دور تک وہی صحرا
وہی صحرا کہ جہاں
کبھی اک شہر ہوا کرتا تھا
Aasaar-e-Qadeema
Ek patthar ki adhoori moorat
Chand taambe ke puraane sikke
Kaali chaandi ke ajab se zewar
Aur kaiñ kaanse ke ṭooṭe bartan
Ek sahra mile
Zair-e-zameen
Log kahte hain ke sadiyoñ pehle
Aaj sahra hai jahaañ
Waheen ek shahar hua karta tha
Aur mujh ko yeh khayaal aata hai
Kisi taqreeb
Kisi mehfil meiñ
Saamna tujh se mera aaj bhi ho jaata hai
Ek lamhe ko
Bas ik pal ke liye
Jism ki aañch
Uchhaṭti si nazar
Surkh bindiya ki damak
Sarsarahat teri malboos ki
Baaloñ ki mehak
Be-khayaali meiñ kabhi
Lams ka nanha sa phool
Aur phir door tak wohi sahra
Wohi sahra ke jahaañ
Kabhi ek shahar hua karta tha
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں