دل — جاوید اختر
شاعر
دل
دل وہ صحرا تھا
کہ جس صحرا میں
حسرتیں
ریت کے ٹیلوں کی طرح رہتی تھیں
جب حوادث کی ہوا
ان کو مٹانے کے لیے
چلتی تھی
یہاں مٹتی تھیں
کہیں اور ابھر آتی تھیں
شکل کھوتے ہی
نئی شکل میں ڈھل جاتی تھیں
دل کے صحرا پہ مگر اب کی بار
سانحہ گزرا کچھ ایسا
کہ سنائے نہ بنے
آندھی وہ آئی کہ سارے ٹیلے
ایسے بکھرے
کہ کہیں اور ابھر ہی نہ سکے
یوں مٹے ہیں
کہ کہیں اور بنائے نہ بنے
اب کہیں
ٹیلے نہیں
ریت نہیں
ریت کا ذرہ نہیں
دل میں اب کچھ نہیں
دل کو صحرا بھی اگر کہئے
تو کیسے کہئے
Dil
Dil woh sahra tha
Ke jis sahra mein
Hasratein
Ret ke teelon ki tarah rahti thin
Jab hawadis ki hawa
Un ko mitane ke liye
Chalti thi
Yahan mitti thin
Kahin aur ubhar aati thin
Shakl khote hi
Nayi shakl mein dhal jaati thin
Dil ke sahra pe magar ab ki baar
Saneha guzra kuchh aisa
Ke sunaye na bane
Aandhi woh aayi ke saare teele
Aise bikhre
Ke kahin aur ubhar hi na sake
Yun mite hain
Ke kahin aur banaye na bane
Ab kahin
Teelon nahin
Ret nahin
Ret ka zarra nahin
Dil mein ab kuchh nahin
Dil ko sahra bhi agar kahe
To kaise kahe
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں