دکھ کے جنگل میں پھرتے ہیں کب سے مارے مارے لوگ — جاوید اختر
شاعر
دکھ کے جنگل میں پھرتے ہیں کب سے مارے مارے لوگ
دکھ کے جنگل میں پھرتے ہیں کب سے مارے مارے لوگ
جو ہوتا ہے سہہ لیتے ہیں کیسے ہیں بے چارے لوگ
جیون جیون ہم نے جگ میں کھیل یہی ہوتے دیکھا
دھیرے دھیرے جیتی دنیا دھیرے دھیرے ہارے لوگ
وقت سنگھاسن پر بیٹھا ہے اپنے راگ سناتا ہے
سنگت دینے کو پاتے ہیں سانسوں کے اکتارے لوگ
نیکی اک دن کام آتی ہے ہم کو کیا سمجھاتے ہو
ہم نے بے بس مرتے دیکھے کیسے پیارے پیارے لوگ
اس نگری میں کیوں ملتی ہے روٹی سپنوں کے بدلے
جن کی نگری ہے وہ جانیں ہم ٹھہرے بنجارے لوگ
Dukh ke jangal mein phirte hain kab se mare mare log
Dukh ke jangal mein phirte hain kab se mare mare log
Jo hota hai seh lete hain kaise hain bechare log
Jeevan jeevan hum ne jag mein khel yehi hote dekha
Dheere dheere jeeti duniya dheere dheere haare log
Waqt singhasan par baitha hai apne raag sunata hai
Sangat dene ko paate hain sanson ke iktare log
Neki ek din kaam aati hai hum ko kya samjhate ho
Hum ne bebas marte dekhe kaise pyare pyare log
Is nagri mein kyun milti hai roti sapnon ke badle
Jin ki nagri hai woh janen hum thehre banjare log
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں