دشواری — جاوید اختر
شاعر
دشواری
میں بھول جاؤں تمہیں
اب یہی مناسب ہے
مگر بھلانا بھی چاہوں تو کس طرح بھولوں
کہ تم تو پھر بھی حقیقت ہو
کوئی خواب نہیں
یہاں تو دل کا یہ عالم ہے کیا کہوں
کم بخت
بھلا نہ پایا وہ سلسلہ
جو تھا ہی نہیں
وہ اک خیال
جو آواز تک گیا ہی نہیں
وہ ایک بات
جو میں کہہ نہیں سکا تم سے
وہ ایک ربط
جو ہم میں کبھی رہا ہی نہیں
مجھے ہے یاد وہ سب
جو کبھی ہوا ہی نہیں
Dushwari
Main bhool jaun tumhein
Ab yehi munasib hai
Magar bhulana bhi chahoon toh kis tarah bhoolun
Ke tum toh phir bhi haqeeqat ho
Koi khwaab nahin
Yahan toh dil ka yeh aalam hai kya kahoon
Kambakht
Bhula na paya woh silsila
Jo tha hi nahin
Woh ek khayaal
Jo awaaz tak gaya hi nahin
Woh ek baat
Jo main keh nahin saka tum se
Woh ek rabt
Jo hum mein kabhi raha hi nahin
Mujhe hai yaad woh sab
Jo kabhi hua hi nahin
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں