میلے — جاوید اختر
شاعر
میلے
باپ کی انگلی تھامے
اک ننھا سا بچہ
پہلے پہل میلے میں گیا تو
اپنی بھولی بھالی
کنچوں جیسی آنکھوں سے
اک دنیا دیکھی
یہ کیا ہے اور وہ کیا ہے
سب اس نے پوچھا
باپ نے جھک کر
کتنی ساری چیزوں اور کھیلوں کا
اس کو نام بتایا
نٹ کا
بازی گر کا
جادوگر کا
اس کو کام بتایا
پھر وہ گھر کی جانب لوٹے
گود کے جھولے میں
بچے نے باپ کے کندھے پر سر رکھا
باپ نے پوچھا
نیند آتی ہے
وقت بھی ایک پرندہ ہے
اڑتا رہتا ہے
گاؤں میں پھر اک میلہ آیا
بوڑھے باپ نے کانپتے ہاتھوں سے
بیٹے کی بانہہ کو تھاما
اور بیٹے نے
یہ کیا ہے اور وہ کیا ہے
جتنا بھی بن پایا
سمجھایا
باپ نے بیٹے کے کندھے پر سر رکھا
بیٹے نے پوچھا
نیند آتی ہے
باپ نے مڑ کے
یاد کی پگڈنڈی پر چلتے
بیتے ہوئے
سب اچھے برے
اور کڑوے میٹھے
لمحوں کے پیروں سے اڑتی
دھول کو دیکھا
پھر
اپنے بیٹے کو دیکھا
ہونٹوں پر
اک ہلکی سی مسکان آئی
ہولے سے بولا
ہاں!
مجھ کو اب نیند آتی ہے
Mele
Baap ki ungli thaame
Ik nanha sa bachcha
Pahle pahal mele mein gaya to
Apni bholi bhali
Kanchon jaisi aankhon se
Ik duniya dekhi
Ye kya hai aur woh kya hai
Sab us ne poochha
Baap ne jhuk kar
Kitni saari cheezon aur khelon ka
Us ko naam bataya
Nat ka
Baazi gar ka
Jadugar ka
Us ko kaam bataya
Phir woh ghar ki jaanib laute
Goad ke jhoole mein
Bachche ne baap ke kandhe par sar rakha
Baap ne poochha
Neend aati hai
Waqt bhi ek parinda hai
Udta rahta hai
Gaon mein phir ik mela aaya
Boorhe baap ne kaanpte haathon se
Bete ki baanh ko thaama
Aur bete ne
Ye kya hai aur woh kya hai
Jitna bhi ban paaya
Samjhaya
Baap ne bete ke kandhe par sar rakha
Bete ne poochha
Neend aati hai
Baap ne murh ke
Yaad ki pagdandi par chalte
Beete hue
Sab achhe bure
Aur karwe meethe
Lamhon ke pairon se udti
Dhool ko dekha
Phir
Apne bete ko dekha
Honthon par
Ik halki si muskaan aayi
Haule se bola
Haan!
Mujh ko ab neend aati hai
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں