پندرہ اگست — جاوید اختر
شاعر
پندرہ اگست
یہی جگہ تھی یہی دن تھا اور یہی لمحات
سروں پہ چھائی تھی صدیوں سے اک جو کالی رات
اسی جگہ اسی دن تو ملی تھی اس کو مات
اسی جگہ اسی دن تو ہوا تھا یہ اعلان
اندھیرے ہار گئے زندہ باد ہندوستان
یہیں تو ہم نے کہا تھا یہ کر دکھانا ہے
جو زخم تن پہ ہے بھارت کے اس کو بھرنا ہے
جو داغ ماتھے پہ بھارت کے ہے مٹانا ہے
یہیں تو کھائی تھی ہم سب نے یہ قسم اس دن
یہیں سے نکلے تھے اپنے سفر پہ ہم اس دن
یہیں تھا گونج اٹھا وندے ماترم اس دن
ہے جرأتوں کا سفر وقت کی ہے راہ گزر
نظر کے سامنے ہے ساٹھ میل کا پتھر
کوئی جو پوچھے کیا کیا ہے کچھ کیا ہے اگر
تو اس سے کہہ دو کہ وہ آئے دیکھ لے آ کر
لگایا ہم نے تھا جمہوریت کا جو پودھا
وہ آج ایک گھنیرا سا اونچا برگد ہے
اور اس کے سائے میں کیا بدلا کتنا بدلا ہے
کب انتہا ہے کوئی اس کی کب کوئی حد ہے
چمک دکھاتے ہیں ذرے اب آسمانوں کو
زبان مل گئی ہے سارے بے زبانوں کو
جو ظلم سہتے تھے وہ اب حساب مانگتے ہیں
سوال کرتے ہیں اور پھر جواب مانگتے ہیں
یہ کل کی بات ہے صدیوں پرانی بات نہیں
کہ کل تلک تھا یہاں کچھ بھی اپنے ہاتھ نہیں
ودیشی راج نے سب کچھ نچوڑ ڈالا تھا
ہمارے دیش کا ہر کرگھا توڑ ڈالا تھا
جو ملک سوئی کی خاطر تھا اوروں کا محتاج
ہزاروں چیزیں وہ دنیا کو دے رہا ہے آج
نیا زمانہ لیے اک امنگ آیا ہے
کروڑوں لوگوں کے چہرے پہ رنگ آیا ہے
یہ سب کسی کے کرم سے نہ ہے عنایت سے
یہاں تک آیا ہے بھارت خود اپنی محنت سے
جو کامیابی ہے اس کی خوشی تو پوری ہے
مگر یہ یاد بھی رکھنا بہت ضروری ہے
کہ داستان ہماری ابھی ادھوری ہے
بہت ہوا ہے مگر پھر بھی یہ کمی تو ہے
بہت سے ہونٹھوں پہ مسکان آ گئی لیکن
بہت سی آنکھیں ہے جن میں ابھی نمی تو ہے
یہی جگہ تھی یہی دن تھا اور یہی لمحات
یہیں تو دیکھا تھا اک خواب سوچی تھی اک بات
مسافروں کے دلوں میں خیال آتا ہے
ہر اک ضمیر کے آگے سوال آتا ہے
وہ بات یاد ہے اب تک ہمیں کہ بھول گئے
وہ خواب اب بھی سلامت ہے یا فضول گئے
چلے تھے دل میں لئے جو ارادے پورے ہوئے
یہ کون ہے کہ جو یادوں میں چرخا کاتتا ہے
یہ کون ہے جو ہمیں آج بھی بتاتا ہے
ہے وعدہ خود سے نبھانا ہمیں اگر اپنا
تو کارواں نہیں رک پائے بھول کر اپنا
ہے تھوڑی دور ابھی سپنوں کا نگر اپنا
مسافرو ابھی باقی ہے کچھ سفر اپنا
Pandrah August
Yehi jagah thi yehi din tha aur yehi lamhaat
Saron pe chhai thi sadiyon se ek jo kaali raat
Usi jagah usi din toh mili thi us ko maat
Usi jagah usi din toh hua tha yeh elaana
Andhere haar gaye zindabad Hindostan
Yahin toh hum ne kaha tha yeh kar dikhana hai
Jo zakhm tan pe hai Bharat ke us ko bharna hai
Jo daagh maathe pe hai Bharat ke hai mitana hai
Yahin toh khai thi hum sab ne yeh qasam us din
Yahin se nikle the apne safar pe hum us din
Yahin tha goonj utha Vande Mataram us din
Hai jurraton ka safar waqt ki hai raahguzar
Nazar ke saamne hai saath meel ka patthar
Koi jo poochhe kya kya hai kuch kiya hai agar
Toh us se keh do ke woh aaye dekh le aa kar
Lagaya hum ne tha jamhooriyat ka jo paudha
Woh aaj ek ghanera sa ooncha bargad hai
Aur is ke saaye mein kya badla kitna badla hai
Kab inteha hai koi us ki kab koi hadd hai
Chamak dikhate hain zarre ab aasmanon ko
Zubaan mil gayi hai saare be-zubanon ko
Jo zulm sehte the woh ab hisaab maangte hain
Sawaal karte hain aur phir jawaab maangte hain
Yeh kal ki baat hai sadiyon purani baat nahin
Ke kal talak tha yahan kuch bhi apne haath nahin
Videshi raaj ne sab kuch nichod dala tha
Hamare desh ka har kargha tod dala tha
Jo mulk sui ki khaatir tha auron ka mohtaaj
Hazaron cheezein woh dunya ko de raha hai aaj
Naya zamana liye ek umang aaya hai
Karodon logon ke chehre pe rang aaya hai
Yeh sab kisi ke karam se na hai inayat se
Yahan tak aaya hai Bharat khud apni mehnat se
Jo kamyabi hai us ki khushi toh poori hai
Magar yeh yaad bhi rakhna bohat zaroori hai
Ke daastaan hamari abhi adhoori hai
Bohat hua hai magar phir bhi yeh kami toh hai
Bohat se honthon pe muskaan aa gayi lekin
Bohat si aankhein hai jin mein abhi nami toh hai
Yehi jagah thi yehi din tha aur yehi lamhaat
Yahin toh dekha tha ek khwaab sochi thi ek baat
Musafiron ke dilon mein khayaal aata hai
Har ek zameer ke aage sawaal aata hai
Woh baat yaad hai ab tak hamein ke bhool gaye
Woh khwaab ab bhi salaamat hai ya fazool gaye
Chale the dil mein liye jo iraade poore hue
Yeh kaun hai ke jo yaadon mein charkha kaat'ta hai
Yeh kaun hai jo hamein aaj bhi batata hai
Hai waada khud se nibhana hamein agar apna
Toh karwaan nahin ruk paye bhool kar apna
Hai thodi door abhi sapnon ka nagar apna
Musafiro abhi baaqi hai kuch safar apna
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں