پرستار — جاوید اختر
شاعر
پرستار
وہ جو کہلاتا تھا دیوانہ ترا
وہ جسے حفظ تھا افسانہ ترا
جس کی دیواروں پہ آویزاں تھیں
تصویریں تری
وہ جو دہراتا تھا
تقریریں تری
وہ جو خوش تھا تری خوشیوں سے
ترے غم سے اداس
دور رہ کے جو سمجھتا تھا
وہ ہے تیرے پاس
وہ جسے سجدہ تجھے کرنے سے
انکار نہ تھا
اس کو دراصل کبھی تجھ سے
کوئی پیار نہ تھا
اس کی مشکل تھی
کہ دشوار تھے اس کے رستے
جن پہ بے خوف و خطر
گھومتے رہزن تھے
سدا اس کی انا کے در پے
اس نے گھبرا کے
سب اپنی انا کی دولت
تیری تحویل میں رکھوا دی تھی
اپنی ذلت کو وہ دنیا کی نظر
اور اپنی بھی نگاہوں سے چھپانے کے لئے
کامیابی کو تری
تری فتوحات
تری عزت کو
وہ ترے نام تری شہرت کو
اپنے ہونے کا سبب جانتا تھا
ہے وجود اس کا جدا تجھ سے
یہ کب مانتا تھا
وہ مگر
پر خطر راستوں سے آج نکل آیا ہے
وقت نے تیرے برابر نہ سہی
کچھ نہ کچھ اپنا کرم اس پہ بھی فرمایا ہے
اب اسے تیری ضرورت ہی نہیں
جس کا دعویٰ تھا کبھی
اب وہ عقیدت ہی نہیں
تیری تحویل میں جو رکھی تھی کل
اس نے انا
آج وہ مانگ رہا ہے واپس
بات اتنی سی ہے
اے صاحب نام و شہرت
جس کو کل
تیرے خدا ہونے سے انکار نہ تھا
وہ کبھی تیرا پرستار نہ تھا
Parastaar
Woh jo kahlaata tha deewaana tera
Woh jise hifz tha afsaana tera
Jis ki deewaroñ pe aaveizaañ thheeñ
Tasveereñ teri
Woh jo dohraata tha
Taqreereñ teri
Woh jo khush tha teri khushiyon se
Tere gham se udaas
Door rah ke jo samajhta tha
Woh hai tere paas
Woh jise sajda tujhe karne se
Inkaar na tha
Us ko dar-asal kabhi tujh se
Koi pyaar na tha
Us ki mushkil thi
Ke dushwaar the us ke raste
Jin pe be-khauf o khatar
Ghoomte rahzan the
Sada us ki ana ke dar pe
Us ne ghabra ke
Sab apni ana ki daulat
Teri tehweel meiñ rakhwa di thi
Apni zillat ko woh duniya ki nazar
Aur apni bhi nigaahoñ se chhupaane ke liye
Kaamyaabi ko teri
Teri futuhaat
Teri izzat ko
Woh tere naam teri shohrat ko
Apne hone ka sabab jaanta tha
Hai wujood us ka judaa tujh se
Yeh kab maanta tha
Woh magar
Pur-khatar raastoñ se aaj nikal aaya hai
Waqt ne tere baraabar na sahi
Kuchh na kuchh apna karam us pe bhi farmaaya hai
Ab use teri zaroorat hi naheen
Jis ka da'awa tha kabhi
Ab woh aqeedat hi naheen
Teri tehweel meiñ jo rakhi thi kal
Us ne ana
Aaj woh maañg raha hai waapas
Baat itni si hai
Aye saahib-e-naam o shohrat
Jis ko kal
Tere khuda hone se inkaar na tha
Woh kabhi tera parastaar na tha
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں