پیاس کی کیسے لائے تاب کوئی — جاوید اختر
شاعر
پیاس کی کیسے لائے تاب کوئی
پیاس کی کیسے لائے تاب کوئی
نہیں دریا تو ہو سراب کوئی
زخم دل میں جہاں مہکتا ہے
اسی کیاری میں تھا گلاب کوئی
رات بجتی تھی دور شہنائی
رویا پی کر بہت شراب کوئی
دل کو گھیرے ہیں روزگار کے غم
ردی میں کھو گئی کتاب کوئی
کون سا زخم کس نے بخشا ہے
اس کا رکھے کہاں حساب کوئی
پھر میں سننے لگا ہوں اس دل کی
آنے والا ہے پھر عذاب کوئی
شب کی دہلیز پر شفق ہے لہو
پھر ہوا قتل آفتاب کوئی
Pyaas ki kaise laaye taab koi
Pyaas ki kaise laaye taab koi
Nahin darya to ho saraab koi
Zakhm-e-dil mein jahan mehakta hai
Usi kiyari mein tha gulaab koi
Raat bajti thi door shehnaai
Roya pee kar bahut sharaab koi
Dil ko ghere hain rozgaar ke gham
Raddi mein kho gai kitaab koi
Kaun sa zakhm kis ne bakhsha hai
Us ka rakhe kahan hisaab koi
Phir main sunne laga hoon is dil ki
Aane wala hai phir azaab koi
Shab ki dehleez par shafaq hai lahoo
Phir hua qatl-e-aaftab koi
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں