ساری حیرت ہے مری ساری ادا اس کی ہے — جاوید اختر
شاعر
ساری حیرت ہے مری ساری ادا اس کی ہے
ساری حیرت ہے مری ساری ادا اس کی ہے
بے گناہی ہے مری اور سزا اس کی ہے
میرے الفاظ میں جو رنگ ہے وہ اس کا ہے
میرے احساس میں جو ہے وہ فضا اس کی ہے
شعر میرے ہیں مگر ان میں محبت اس کی
پھول میرے ہیں مگر باد صبا اس کی ہے
اک محبت کی یہ تصویر ہے دو رنگوں میں
شوق سب میرا ہے اور ساری حیا اس کی ہے
ہم نے کیا اس سے محبت کی اجازت لی تھی
دل شکن ہی سہی پر بات بجا اس کی ہے
ایک میرے ہی سوا سب کو پکارے ہے کوئی
میں نے پہلے ہی کہا تھا یہ صدا اس کی ہے
خون سے سینچی ہے میں نے جو زمیں مر مر کے
وہ زمیں ایک ستم گر نے کہا اس کی ہے
اس نے ہی اس کو اجاڑا ہے اسے لوٹا ہے
یہ زمیں اس کی اگر ہے بھی تو کیا اس کی ہے
Saari hairat hai meri saari adaa us ki hai
Saari hairat hai meri saari adaa us ki hai
Be-gunahi hai meri aur saza us ki hai
Mere alfaaz mein jo rang hai woh us ka hai
Mere ehsaas mein jo hai woh fiza us ki hai
Sher mere hain magar un mein mohabbat us ki
Phool mere hain magar baad-e-saba us ki hai
Ek mohabbat ki yeh tasveer hai do rangon mein
Shauq sab mera hai aur saari haya us ki hai
Hum ne kya us se mohabbat ki ijazat li thi
Dil shikan hi sahi par baat baja us ki hai
Ek mere hi siwa sab ko pukare hai koi
Main ne pehle hi kaha tha yeh sada us ki hai
Khoon se seenchi hai main ne jo zameen mar mar ke
Woh zameen ek sitamgar ne kaha us ki hai
Us ne hi us ko ujaada hai use loota hai
Yeh zameen us ki agar hai bhi to kya us ki hai
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں