زندگی کی آندھی میں ذہن کا شجر تنہا — جاوید اختر
شاعر
زندگی کی آندھی میں ذہن کا شجر تنہا
زندگی کی آندھی میں ذہن کا شجر تنہا
تم سے کچھ سہارا تھا آج ہوں مگر تنہا
زخم خوردہ لمحوں کو مصلحت سنبھالے ہے
ان گنت مریضوں میں ایک چارہ گر تنہا
بوند جب تھی بادل میں زندگی تھی ہلچل میں
قید اب صدف میں ہے بن کے ہے گہر تنہا
تم فضول باتوں کا دل پہ بوجھ مت لینا
ہم تو خیر کر لیں گے زندگی بسر تنہا
اک کھلونا جوگی سے کھو گیا تھا بچپن میں
ڈھونڈتا پھرا اس کو وو نگر نگر تنہا
جھٹپٹے کا عالم ہے جانے کون آدم ہے
اک لحد پہ روتا ہے منہ کو ڈھانپ کر تنہا
Zindagi ki aandhi mein zehen ka shajar tanha
Zindagi ki aandhi mein zehen ka shajar tanha
Tum se kuch sahara tha aaj hoon magar tanha
Zakhm-khurda lamhon ko maslahat sambhale hai
Un-ginat mareezon mein ek chara-gar tanha
Boond jab thi badal mein zindagi thi halchal mein
Qaid ab sadaf mein hai ban ke hai gauhar tanha
Tum fazool baaton ka dil pe bojh mat lena
Hum to khair kar lenge zindagi basar tanha
Ik khilona jogi se kho gaya tha bachpan mein
Dhoondhta phira us ko woh nagar nagar tanha
Jhatpate ka aalam hai jaane kaun aadam hai
Ik lahad pe rota hai munh ko dhaamp kar tanha
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں