ڈر یہ ہے بازوؤں میں موم کی صورت نہ پگھل جائے کہیں — خالد احمد
شاعر
ڈر یہ ہے بازوؤں میں موم کی صورت نہ پگھل جائے کہیں
ڈر یہ ہے بازوؤں میں موم کی صورت نہ پگھل جائے کہیں
تو مرے ساتھ مرے جسم کے دوزخ میں نہ جل جائے کہیں
گھر سے گاتا ہوا نکلا تو ہوں میں نغمۂ احساس مگر
شہر کے شور میں دب جائیں نہ سر لے نہ بدل جائے کہیں
فقط اس خوف سے جاتا نہیں میں صبح طرب کی جانب
افق دل سے ترے درد کا مہتاب نہ ڈھل جائے کہیں
یہ ترا کام نہیں دیکھ نہ دنیا کی طرف گائے جا
مدھم اک آہ میں اک چیخ میں پنچم نہ بدل جائے کہیں
صبح نزدیک ہے کروٹ بھی بدل سوچ سمجھ کر خالدؔ
ذہن پر آخر شب نیند کی تلوار نہ چل جائے کہیں
خالد احمد
Dar yeh hai baazuon mein mom ki surat na pighal jaye kahin
Dar yeh hai baazuon mein mom ki surat na pighal jaye kahin
Tu mere saath mere jism ke dozakh mein na jal jaye kahin
Ghar se gaata hua nikla to hu'n main naghma-e-ehsas magar
Shahr ke shor mein dab jayein na sur le na badal jaye kahin
Faqat is khauf se jaata nahin main subh-e-tarab ki jaanib
Ufaq-e-dil se tere dard ka mehtaab na dhal jaye kahin
Yeh tera kaam nahin dekh na duniya ki taraf gaaye ja
Madham ik aah mein ik cheekh mein pancham na badal jaye kahin
Subh nazdeek hai karwat bhi badal soch samajh kar 'Khalid'
Zehan par aakhir-e-shab neend ki talwar na chal jaye kahin
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں۔ وہ 5 جون 1943ء کو لکھنؤ میں پیدا ہوئے اور تقسیمِ ہند کے بعد اپنے خاندان کے ساتھ پاکستان منتقل ہو گئے۔ ان کا تعلق ایک ممتاز ادبی گھرانے سے تھا؛ معروف افسانہ نگار خدیجہ مستور اور ہاجرہ مسرور ان کی بہن...
مکمل تعارف پڑھیں