یہ حوصلہ تجھے مہتاب جاں ہوا کیسے — کشور ناہید
شاعر
یہ حوصلہ تجھے مہتاب جاں ہوا کیسے
یہ حوصلہ تجھے مہتاب جاں ہوا کیسے
کہ خود کو سائے سے منہا کیا بتا کیسے
نظر تو کیا کہ یہ مینائے دل بھی خالی ہے
لگے گا شہر میں بازار خوں بہا کیسے
مجھے خبر ہے کہ موسم نہیں یہ خواہش کا
مرے لبوں پہ یہ ٹھہرا ہے ذائقہ کیسے
خدائی نوحہ کناں تھی کہ آج منبر پہ
یہ تجھ کو آیا نظر کیا مرے سوا کیسے
تعلقات کے تعویذ بھی گلے میں نہیں
ملال دیکھنے آیا ہے راستہ کیسے
قفس میں میری پناہوں کو دیکھ حیراں تھا
کہ میرے دل میں تھا مقتل کا زائچہ کیسے
ہوا سے جیسے چراغوں کی لو بھڑکتی ہے
بہت دنوں میں تجھے دیکھ کے ہنسا کیسے
کشور ناہید
Yeh hausla tujhe mehtab-e-jaan hua kaise
Yeh hausla tujhe mehtab-e-jaan hua kaise
Ke khud ko saye se munha kiya, bata kaise
Nazar to kya ke yeh meena-e-dil bhi khali hai
Lagega shehr mein bazaar-e-khoon baha kaise
Mujhe khabar hai ke mausam nahin yeh khwahish ka
Mere labon pe yeh thehra hai zaiqa kaise
Khudayi nauha kunaan thi ke aaj mimbar pe
Yeh tujh ko aaya nazar kya mere siwa kaise
Taluqat ke taweez bhi gale mein nahin
Malal dekhne aaya hai rasta kaise
Qafas mein meri panahon ko dekh hairan tha
Ke mere dil mein tha maqtal ka zaicha kaise
Hawa se jaise charaghon ki lau bhadakti hai
Bohat dinon mein tujhe dekh ke hansa kaise
شاعر کے بارے میں
کشور ناہید اردو ادب کی اُن توانا اور باوقار آوازوں میں شمار ہوتی ہیں جنہوں نے شاعری کو محض جمالیاتی اظہار نہیں بلکہ سماجی شعور، مزاحمت اور نسائی خود آگہی کا وسیلہ بنایا۔ وہ 1940ء میں بلندشہر، اتر پردیش (برطانوی ہند) میں پیدا ہوئیں اور ہجرت کے بعد پاکستان میں سکونت اختیار کی۔ انہوں نے اردو اور فارسی کی ادبی تعلیم کے ساتھ ساتھ پنجاب یونیورسٹی، لاہ...
مکمل تعارف پڑھیں