آ نکل کے میداں میں دو رخی کے خانے سے — مجروح سلطانپوری
شاعر
آ نکل کے میداں میں دو رخی کے خانے سے
آ نکل کے میداں میں دو رخی کے خانے سے
کام چل نہیں سکتا اب کسی بہانے سے
عہد انقلاب آیا دور آفتاب آیا
منتظر تھیں یہ آنکھیں جس کی اک زمانے سے
اب زمین گائے گی ہل کے ساز پر نغمے
وادیوں میں ناچیں گے ہر طرف ترانے سے
اہل دل اگائیں گے خاک سے مہ و انجم
اب گہر سبک ہوگا جو کے ایک دانے سے
منچلے بنیں گے اب رنگ و بو کے پیراہن
اب سنور کے نکلے گا حسن کارخانے سے
عام ہوگا اب ہم دم سب پہ فیض فطرت کا
بھر سکیں گے اب دامن ہم بھی اس خزانے سے
میں کہ ایک محنت کش میں کہ تیرگی دشمن
صبح نو عبارت ہے میرے مسکرانے سے
خودکشی ہی راس آئی دیکھ بد نصیبوں کو!
خود سے بھی گریزاں ہیں بھاگ کر زمانے سے
اب جنوں پہ وہ ساعت آ پڑی کہ اے مجروحؔ
آج زخم سر بہتر دل پہ چوٹ کھانے سے
Aa nikal ke maidan mein do rukhi ke khane se
Aa nikal ke maidan mein do rukhi ke khane se
Kaam chal nahin sakta ab kisi bahane se
Ahd-e-inqilaab aaya, daur-e-aaftaab aaya
Muntazir thin yeh aankhen jis ki ik zamane se
Ab zameen gaayegi hal ke saaz par naghme
Waadiyon mein naachenge har taraf tarane se
Ahl-e-dil ugaayenge khaak se mah-o-anjum
Ab guhar sabak hoga jo ke ek daane se
Manchale banenge ab rang-o-bu ke pairahan
Ab sanwar ke niklega husn karkhane se
Aam hoga ab hamdam sab pe faiz-e-fitrat ka
Bhar sakenge ab daaman hum bhi us khazane se
Main ke ek mehnat-kash, main ke teergi dushman
Subh-e-nau ibarat hai mere muskurane se
Khudkushi hi raas aayi dekh badnaseebon ko!
Khud se bhi gurezaan hain bhaag kar zamane se
Ab junoon pe woh sa'at aa padi ke ae Majrooh!
Aaj zakhm-e-sar behtar dil pe chot khane se
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں