آہ جاں سوز کی محرومی تاثیر نہ دیکھ — مجروح سلطانپوری
شاعر
آہ جاں سوز کی محرومی تاثیر نہ دیکھ
آہ جاں سوز کی محرومی تاثیر نہ دیکھ
ہو ہی جائے گی کوئی جینے کی تدبیر نہ دیکھ
حادثے اور بھی گزرے تری الفت کے سوا
ہاں مجھے دیکھ مجھے اب میری تصویر نہ دیکھ
یہ ذرا دور پہ منزل یہ اجالا یہ سکوں
خواب کو دیکھ ابھی خواب کی تعبیر نہ دیکھ
دیکھ زنداں سے پرے رنگ چمن جوش بہار
رقص کرنا ہے تو پھر پاؤں کی زنجیر نہ دیکھ
کچھ بھی ہوں پھر بھی دکھے دل کی صدا ہوں ناداں
میری باتوں کو سمجھ تلخئ تقریر نہ دیکھ
وہی مجروحؔ وہی شاعر آوارہ مزاج
کوئی اٹھا ہے تری بزم سے دلگیر نہ دیکھ
Aah-e-jaan-soz ki mahroomi-e-taaseer na dekh
Aah-e-jaan-soz ki mahroomi-e-taaseer na dekh
Ho hi jaayegi koi jeene ki tadbeer na dekh
Haadse aur bhi guzre teri ulfat ke siwa
Haan mujhe dekh, mujhe ab meri tasveer na dekh
Yeh zara door pe manzil, yeh ujaala, yeh sukoon
Khwaab ko dekh, abhi khwaab ki taabeer na dekh
Dekh zindaan se pare rang-e-chaman, josh-e-bahaar
Raqs karna hai to phir paaon ki zanjeer na dekh
Kuchh bhi hoon, phir bhi dukhe dil ki sadaa hoon, nadaan
Meri baaton ko samajh, talkhi-e-taqreer na dekh
Wohi Majrooh! wohi shair-e-aawaara mizaaj
Koi utha hai teri bazm se dilgeer na dekh
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں