اب اہل درد یہ جینے کا اہتمام کریں — مجروح سلطانپوری
شاعر
اب اہل درد یہ جینے کا اہتمام کریں
اب اہل درد یہ جینے کا اہتمام کریں
اسے بھلا کے غم زندگی کا نام کریں
فریب کھا کے ان آنکھوں کا کب تلک اے دل
شراب خام پئیں رقص نا تمام کریں
غم حیات نے آوارہ کر دیا ورنہ
تھی آرزو کہ ترے در پہ صبح و شام کریں
نہ مانگوں بادۂ گلگوں سے بھیک مستی کی
اگر ترے لب لعلیں مرا یہ کام کریں
نہ دیکھیں دیر و حرم سوئے رہروان حیات
یہ قافلے تو نہ جانے کہاں قیام کریں
ہیں اس کشاکش پیہم میں زندگی کے مزے
پھر ایک بار کوئی سعئ نا تمام کریں
سکھائیں دست طلب کو ادائے بیباکی
پیام زیرلبی کو صلائے عام کریں
غلام رہ چکے توڑیں یہ بند رسوائی
کچھ اپنے بازوئے محنت کا احترام کریں
زمیں کو مل کے سنواریں مثال روئے نگار
رخ نگار سے روشن چراغ بام کریں
پھر اٹھ کے گرم کریں کاروبار زلف و جنوں
پھر اپنے ساتھ اسے بھی اسیر دام کریں
مری نگاہ میں ہے ارض ماسکو مجروحؔ
وہ سرزمیں کہ ستارے جسے سلام کریں
Ab ahl-e-dard yeh jeene ka ehtimam karein
Ab ahl-e-dard yeh jeene ka ehtimam karein
Usey bhula ke gham-e-zindagi ka naam karein
Fareb kha ke un aankhon ka kab talak ae dil
Sharab-e-kham piyen raqs-e-na-tamam karein
Gham-e-hayat ne aawara kar diya varna
Thi aarzoo ke tere dar pe subh-o-sham karein
Na maangoon baada-e-gulfam se bheek masti ki
Agar tere lab-e-lalain mera yeh kaam karein
Na dekhein dair-o-haram su-e-rahravan-e-hayat
Yeh qafle to na jaane kahan qayam karein
Hain is kashakash-e-paiham mein zindagi ke maze
Phir ek baar koi sa'i-e-na-tamam karein
Sikhayen dast-e-talab ko ada-e-bebaki
Payam-e-zerlabi ko sala-e-aam karein
Ghulam reh chuke todein yeh band-e-ruswai
Kuch apne bazoo-e-mehnat ka ehtiram karein
Zameen ko mil ke sanwarein misal-e-roo-e-nigar
Rukh-e-nigar se roshan chiragh-e-baam karein
Phir uth ke garam karein karobar-e-zulf-o-junoon
Phir apne saath usey bhi aseer-e-daam karein
Meri nigah mein hai arz-e-Moscow Majrooh
Woh sarzameen ke sitare jise salam karein
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں