دشمن کی دوستی ہے اب اہل وطن کے ساتھ — مجروح سلطانپوری
شاعر
دشمن کی دوستی ہے اب اہل وطن کے ساتھ
دشمن کی دوستی ہے اب اہل وطن کے ساتھ
ہے اب خزاں چمن میں نئے پیرہن کے ساتھ
سر پر ہوائے ظلم چلے سو جتن کے ساتھ
اپنی کلاہ کج ہے اسی بانکپن کے ساتھ
کس نے کہا کہ ٹوٹ گیا خنجر فرنگ
سینے پہ زخم نو بھی ہے داغ کہن کے ساتھ
جھونکے جو لگ رہے ہیں نسیم بہار کے
جنبش میں ہے قفس بھی اسیر چمن کے ساتھ
مجروحؔ قافلے کی مرے داستاں یہ ہے
رہبر نے مل کے لوٹ لیا راہزن کے ساتھ
Dushman ki dosti hai ab ahl-e-watan ke saath
Dushman ki dosti hai ab ahl-e-watan ke saath
Hai ab khizan chaman mein naye pairahan ke saath
Sar par hawa-e-zulm chale sau jatan ke saath
Apni kulah kaj hai isi bankpan ke saath
Kis ne kaha ke toot gaya khanjar-e-farang
Seene pe zakhm-e-nau bhi hai dagh-e-kuhan ke saath
Jhonke jo lag rahe hain naseem-e-bahar ke
Jumbish mein hai qafas bhi aseer-e-chaman ke saath
Majrooh qafle ki mere dastan yeh hai
Rahbar ne mil ke loot liya rahzan ke saath
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں