اس باغ میں وہ سنگ کے قابل کہا نہ جائے — مجروح سلطانپوری
شاعر
اس باغ میں وہ سنگ کے قابل کہا نہ جائے
اس باغ میں وہ سنگ کے قابل کہا نہ جائے
جب تک کسی ثمر کو مرا دل کہا نہ جائے
شاخوں پہ نوک تیغ سے کیا کیا کھلے ہیں پھول
انداز لالہ کاریٔ قاتل کہا نہ جائے
کس کے لہو کے رنگ ہیں یہ خار شوخ رنگ
کیا گل کتر گئی رہ منزل کہا نہ جائے
باراں کے منتظر ہیں سمندر پہ تشنہ لب
احوال میزبانیٔ ساحل کہا نہ جائے
میرے ہی سنگ و خشت سے تعمیر بام و در
میرے ہی گھر کو شہر میں شامل کہا نہ جائے
زنداں کھلا ہے جب سے ہوئے ہیں رہا اسیر
ہر گام ہے وہ شور سلاسل کہا نہ جائے
ہم اہل عشق میں نہیں حرف گنہ سے کم
وہ حرف شوق جو سر محفل کہا نہ جائے
جس ہاتھ میں ہے تیغ جفا اس کا نام لو
مجروحؔ سے تو سائے کو قاتل کہا نہ جائے
Is baagh mein woh sang ke qaabil kaha na jaaye
Is baagh mein woh sang ke qaabil kaha na jaaye
Jab tak kisi samar ko mera dil kaha na jaaye
Shaakhon pe nok-e-tegh se kya kya khule hain phool
Andaaz-e-lala-kaari-e-qaatil kaha na jaaye
Kis ke lahu ke rang hain yeh khaar-e-shokh-rang
Kya gul katar gayi rah-e-manzil kaha na jaaye
Baaraan ke muntazir hain samandar pe tishna-lab
Ahwaal-e-mezbani-e-sahil kaha na jaaye
Mere hi sang-o-khisht se ta'meer-e-baam-o-dar
Mere hi ghar ko shehr mein shamil kaha na jaaye
Zindaan khula hai jab se hue hain riha aseer
Har gaam hai woh shor-e-salasil kaha na jaaye
Hum ahl-e-ishq mein nahin harf-e-gunah se kam
Woh harf-e-shauq jo sar-e-mehfil kaha na jaaye
Jis haath mein hai tegh-e-jafa us ka naam lo
Majrooh! se to saaye ko qaatil kaha na jaaye
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں