جب ہوا عرفاں تو غم آرام جاں بنتا گیا — مجروح سلطانپوری
شاعر
جب ہوا عرفاں تو غم آرام جاں بنتا گیا
جب ہوا عرفاں تو غم آرام جاں بنتا گیا
سوز جاناں دل میں سوز دیگراں بنتا گیا
رفتہ رفتہ منقلب ہوتی گئی رسم چمن
دھیرے دھیرے نغمۂ دل بھی فغاں بنتا گیا
میں اکیلا ہی چلا تھا جانب منزل مگر
لوگ ساتھ آتے گئے اور کارواں بنتا گیا
میں تو جب جانوں کہ بھر دے ساغر ہر خاص و عام
یوں تو جو آیا وہی پیر مغاں بنتا گیا
جس طرف بھی چل پڑے ہم آبلہ پایان شوق
خار سے گل اور گل سے گلستاں بنتا گیا
شرح غم تو مختصر ہوتی گئی اس کے حضور
لفظ جو منہ سے نہ نکلا داستاں بنتا گیا
دہر میں مجروحؔ کوئی جاوداں مضموں کہاں
میں جسے چھوتا گیا وہ جاوداں بنتا گیا
Jab hua irfan to gham aram-e-jaan banta gaya
Jab hua irfan to gham aram-e-jaan banta gaya
Soz-e-jaanaan dil mein soz-e-digaraan banta gaya
Rafta rafta munqalib hoti gayi rasm-e-chaman
Dheere dheere naghma-e-dil bhi faghan banta gaya
Main akela hi chala tha jaanib-e-manzil magar
Log saath aate gaye aur karwaan banta gaya
Main to jab jaanun ke bhar de saghar har khas-o-aam
Yun to jo aaya wahi peer-e-mugaan banta gaya
Jis taraf bhi chal pade hum aabla-payan-e-shauq
Khaar se gul aur gul se gulistaan banta gaya
Sharh-e-gham to mukhtasar hoti gayi us ke huzoor
Lafz jo munh se na nikla daastan banta gaya
Dehr mein Majrooh koi javadaan mazmoon kahan
Main jise chhoota gaya woh javadaan banta gaya
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں