جلا کے مشعل جاں ہم جنوں صفات چلے — مجروح سلطانپوری
شاعر
جلا کے مشعل جاں ہم جنوں صفات چلے
جلا کے مشعل جاں ہم جنوں صفات چلے
جو گھر کو آگ لگائے ہمارے ساتھ چلے
دیار شام نہیں منزل سحر بھی نہیں
عجب نگر ہے یہاں دن چلے نہ رات چلے
ہمارے لب نہ سہی وہ دہان زخم سہی
وہیں پہنچتی ہے یارو کہیں سے بات چلے
ستون دار پہ رکھتے چلو سروں کے چراغ
جہاں تلک یہ ستم کی سیاہ رات چلے
ہوا اسیر کوئی ہم نوا تو دور تلک
بپاس طرز نوا ہم بھی ساتھ ساتھ چلے
بچا کے لائے ہم اے یار پھر بھی نقد وفا
اگرچہ لٹتے رہے رہزنوں کے ہاتھ چلے
پھر آئی فصل کہ مانند برگ آوارہ
ہمارے نام گلوں کے مراسلات چلے
قطار شیشہ ہے یا کاروان ہم سفراں
خرام جام ہے یا جیسے کائنات چلے
بھلا ہی بیٹھے جب اہل حرم تو اے مجروحؔ
بغل میں ہم بھی لیے اک صنم کا ہاتھ چلے
Jala ke mashal-e-jaan hum junoon sifat chale
Jala ke mashal-e-jaan hum junoon sifat chale
Jo ghar ko aag lagaaye hamare saath chale
Dayaar-e-shaam nahin, manzil-e-sahar bhi nahin
Ajab nagar hai yahaan din chale na raat chale
Hamare lab na sahi, woh dahan-e-zakhm sahi
Wahin pahunchti hai yaaro kahin se baat chale
Sutoon-e-daar pe rakhte chalo saron ke charaagh
Jahan talak yeh sitam ki siyah raat chale
Hua aseer koi humnawa to door talak
Ba-paas-e-tarz-e-nawa hum bhi saath saath chale
Bacha ke laaye hum, ae yaar, phir bhi naqd-e-wafa
Agarche lut'te rahe rahzanon ke haath chale
Phir aayi fasl ke manind-e-barg-e-awaara
Hamare naam gulon ke muraslat chale
Qataar-e-sheesha hai ya karwaan-e-humsafaraan
Khiraam-e-jaam hai ya jaise kaainat chale
Bhala hi baithe jab ahl-e-haram to ae Majrooh!
Baghal mein hum bhi liye ik sanam ka haath chale
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں