جلوۂ گل کا سبب دیدۂ تر ہے کہ نہیں — مجروح سلطانپوری
شاعر
جلوۂ گل کا سبب دیدۂ تر ہے کہ نہیں
جلوۂ گل کا سبب دیدۂ تر ہے کہ نہیں
میری آہوں سے بہاراں کی سحر ہے کہ نہیں
راہ گم کردہ ہوں کچھ اس کو خبر ہے کہ نہیں
اس کی پلکوں پہ ستاروں کا گزر ہے کہ نہیں
دل سے ملتی تو ہے اک راہ کہیں سے آ کر
سوچتا ہوں یہ تری راہ گزر ہے کہ نہیں
تیز ہو دست ستم دے بھی شراب اے ساقی
تیغ گردن پہ سہی جام سپر ہے کہ نہیں
میں جو کہتا تھا سو اے رہبر کوتاہ خرام
تیری منزل بھی مری گرد سفر ہے کہ نہیں
اہل تقدیر یہ ہے معجزۂ دست عمل
جو خزف میں نے اٹھایا وہ گہر ہے کہ نہیں
دیکھ کلیوں کا چٹکنا سر گلشن صیاد
سب کی اور سب سے جدا اپنی ڈگر ہے کہ نہیں
ہم روایات کے منکر نہیں لیکن مجروحؔ
زمزمہ سنج مرا خون جگر ہے کہ نہیں
Jalwa-e-gul ka sabab dida-e-tar hai ke nahin
Jalwa-e-gul ka sabab dida-e-tar hai ke nahin
Meri aahon se baharan ki sahar hai ke nahin
Raah gum-karda hoon kuch is ko khabar hai ke nahin
Uski palkon pe sitaron ka guzar hai ke nahin
Dil se milti to hai ik raah kahin se aa kar
Sochta hoon ye teri rahguzar hai ke nahin
Tez ho dast-e-sitam, de bhi sharab ae saqi
Tegh gardan pe sahi, jam sipar hai ke nahin
Main jo kehta tha so ae rahbar-e-kotah-khiram
Teri manzil bhi meri gard-e-safar hai ke nahin
Ahl-e-taqdeer, ye hai mojiza-e-dast-e-amal
Jo khazaf main ne uthaya wo gauhar hai ke nahin
Dekh kaliyon ka chatakna sar-e-gulshan-e-sayyad
Sab ki aur sab se juda apni dagar hai ke nahin
Hum riwayat ke munkir nahin lekin Majrooh
Zamzama-sanj mera khoon-e-jigar hai ke nahin
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں