جو سمجھاتے بھی آ کر واعظ برہم تو کیا کرتے

جو سمجھاتے بھی آ کر واعظ برہم تو کیا کرتے
ہم اس دنیا کے آگے اس جہاں کا غم تو کیا کرتے
حرم سے مے کدے تک منزل یک عمر تھی ساقی
سہارا گر نہ دیتی لغزش پیہم تو کیا کرتے
جو مٹی کو مزاج گل عطا کر دیں وہ اے واعظ
زمیں سے دور فکر جنت آدم تو کیا کرتے
سوال ان کا جواب ان کا سکوت ان کا خطاب ان کا
ہم ان کی انجمن میں سر نہ کرتے خم تو کیا کرتے
جہاں مجروحؔ دل کے حوصلے ٹوٹیں نگاہوں سے
وہاں کرتے بھی مرگ شوق کا ماتم تو کیا کرتے

Jo samjhate bhi aa kar waiz barham to kya karte

Jo samjhate bhi aa kar waiz barham to kya karte
Hum is duniya ke aage is jahan ka gham to kya karte
Haram se mai-kade tak manzil yak umr thi saqi
Sahara gar na deti laghzish-e-paiham to kya karte
Jo mitti ko mizaj-e-gul ata kar dein wo ae waiz
Zameen se door fikr-e-jannat-e-adam to kya karte
Sawal un ka jawab un ka, sukoot un ka khitab un ka
Hum un ki anjuman mein sar na karte kham to kya karte
Jahan Majrooh dil ke hausle tootein nigahon se
Wahan karte bhi marg-e-shauq ka matam to kya karte

شاعر کے بارے میں

مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...

مکمل تعارف پڑھیں

جو سمجھاتے بھی آ کر واعظ برہم تو کیا کرتے — مجروح سلطانپوری

شاعر