خنجر کی طرح بوئے سمن تیز بہت ہے — مجروح سلطانپوری
شاعر
خنجر کی طرح بوئے سمن تیز بہت ہے
خنجر کی طرح بوئے سمن تیز بہت ہے
موسم کی ہوا اب کے جنوں خیز بہت ہے
راس آئے تو ہے چھاؤں بہت برگ و شجر کی
ہاتھ آئے تو ہر شاخ ثمر ریز بہت ہے
لوگو مری گل کاری وحشت کا صلہ کیا
دیوانے کو اک حرف دل آویز بہت ہے
منعم کی طرح پیر حرم پیتے ہیں وہ جام
رندوں کو بھی جس جام سے پرہیز بہت ہے
مصلوب ہوا کوئی سر راہ تمنا
آواز جرس پچھلے پہر تیز بہت ہے
مجروحؔ سنے کون تری تلخ نوائی
گفتار عزیزاں شکرآمیز بہت ہے
Khanjar ki tarah boo-e-saman tez bahut hai
Khanjar ki tarah boo-e-saman tez bahut hai
Mausam ki hawa ab ke junoon-khez bahut hai
Raas aaye to hai chhaon bahut barg-o-shajar ki
Haath aaye to har shakh samar-rez bahut hai
Logo meri gulkaari-e-wahshat ka sila kya
Deewane ko ik harf-e-dil-awez bahut hai
Mun'im ki tarah peer-e-haram peete hain woh jaam
Rindon ko bhi jis jaam se parhez bahut hai
Masloob hua koi sar-e-raah-e-tamanna
Aawaz-e-jaras pichhle pehar tez bahut hai
Majrooh! sunne kaun teri talkh-nawai
Guftaar-e-azeezan shakar-aamez bahut hai
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں