ختم شور طوفاں تھا دور تھی سیاہی بھی — مجروح سلطانپوری
شاعر
ختم شور طوفاں تھا دور تھی سیاہی بھی
ختم شور طوفاں تھا دور تھی سیاہی بھی
دم کے دم میں افسانہ تھی مری تباہی بھی
التفات سمجھوں یا بے رخی کہوں اس کو
رہ گئی خلش بن کر اس کی کم نگاہی بھی
اس نظر کے اٹھنے میں اس نظر کے جھکنے میں
نغمۂ سحر بھی ہے آہ صبح گاہی بھی
یاد کر وہ دن جس دن تیری سخت گیری پر
اشک بھر کے اٹھی تھی میری بے گناہی بھی
پستیٔ زمیں سے ہے رفعت فلک قائم
میری خستہ حالی سے تیری کج کلاہی بھی
شمع بھی اجالا بھی میں ہی اپنی محفل کا
میں ہی اپنی منزل کا راہ بر بھی راہی بھی
گنبدوں سے پلٹی ہے اپنی ہی صدا مجروحؔ
مسجدوں میں کی میں نے جا کے داد خواہی بھی
Khatm shor-e-toofan tha, dur thi siyahi bhi
Khatm shor-e-toofan tha, dur thi siyahi bhi
Dam ke dam mein afsana thi meri tabahi bhi
Iltifat samjhoon ya be-rukhi kahun us ko
Reh gayi khalish ban kar us ki kam-nigahi bhi
Is nazar ke uthne mein, is nazar ke jhukne mein
Naghma-e-sehar bhi hai aah-e-subh-gahi bhi
Yaad kar woh din jis din teri sakht-geeri par
Ashk bhar ke uthi thi meri be-gunahi bhi
Pasti-e-zameen se hai rif'at-e-falak qayim
Meri khasta-haali se teri kaj-kulahi bhi
Shama bhi ujala bhi main hi apni mehfil ka
Main hi apni manzil ka rahbar bhi, raahi bhi
Gumbadon se palati hai apni hi sada Majrooh!
Masjidon mein ki main ne ja ke daad-khwahi bhi
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں