مسرتوں کو یہ اہل ہوس نہ کھو دیتے — مجروح سلطانپوری
شاعر
مسرتوں کو یہ اہل ہوس نہ کھو دیتے
مسرتوں کو یہ اہل ہوس نہ کھو دیتے
جو ہر خوشی میں ترے غم کو بھی سمو دیتے
کہاں وہ شب کہ ترے گیسوؤں کے سائے میں
خیال صبح سے ہم آستیں بھگو دیتے
بہانے اور بھی ہوتے جو زندگی کے لیے
ہم ایک بار تری آرزو بھی کھو دیتے
بچا لیا مجھے طوفاں کی موج نے ورنہ
کنارے والے سفینہ مرا ڈبو دیتے
جو دیکھتے مری نظروں پہ بندشوں کے ستم
تو یہ نظارے مری بے بسی پہ رو دیتے
کبھی تو یوں بھی امنڈتے سرشک غم مجروحؔ
کہ میرے زخم تمنا کے داغ دھو دیتے
Masarraton ko yeh ahl-e-hawas na kho dete
Masarraton ko yeh ahl-e-hawas na kho dete
Jo har khushi mein tere gham ko bhi samo dete
Kahan woh shab ke tere gesuon ke saaye mein
Khayaal-e-subh se hum aasteen bhigo dete
Bahaane aur bhi hote jo zindagi ke liye
Hum ek baar teri aarzoo bhi kho dete
Bacha liya mujhe toofaan ki mauj ne varna
Kinaare wale safeena mera dubo dete
Jo dekhte meri nazron pe bandishon ke sitam
To yeh nazaare meri bebasi pe ro dete
Kabhi to yun bhi umadte sarsahk-e-gham Majrooh!
Ke mere zakhm-e-tamanna ke daagh dho dete
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں