مجھے سہل ہو گئیں منزلیں وہ ہوا کے رخ بھی بدل گئے — مجروح سلطانپوری
شاعر
مجھے سہل ہو گئیں منزلیں وہ ہوا کے رخ بھی بدل گئے
مجھے سہل ہو گئیں منزلیں وہ ہوا کے رخ بھی بدل گئے
ترا ہاتھ ہاتھ میں آ گیا کہ چراغ راہ میں جل گئے
وہ لجائے میرے سوال پر کہ اٹھا سکے نہ جھکا کے سر
اڑی زلف چہرہ پہ اس طرح کہ شبوں کے راز مچل گئے
وہی بات جو وہ نہ کہہ سکے مرے شعر و نغمہ میں آ گئی
وہی لب نہ میں جنہیں چھو سکا قدح شراب میں ڈھل گئے
وہی آستاں ہے وہی جبیں وہی اشک ہے وہی آستیں
دل زار تو بھی بدل کہیں کہ جہاں کے طور بدل گئے
تجھے چشم مست پتہ بھی ہے کہ شباب گرمیٔ بزم ہے
تجھے چشم مست خبر بھی ہے کہ سب آبگینے پگھل گئے
مرے کام آ گئیں آخرش یہی کاوشیں یہی گردشیں
بڑھیں اس قدر مری منزلیں کہ قدم کے خار نکل گئے
Mujhe sehal ho gayin manzilein woh hawa ke rukh bhi badal gaye
Mujhe sehal ho gayin manzilein woh hawa ke rukh bhi badal gaye
Tera haath haath mein aa gaya ke chiragh raah mein jal gaye
Woh laja gaye mere sawal par ke utha sake na jhuka ke sar
Udi zulf chehra pe is tarah ke shabon ke raaz machal gaye
Wahi baat jo woh na keh sake mere shair-o-naghma mein aa gayi
Wahi lab na main jinhein chhu saka qadah-e-sharab mein dhal gaye
Wahi aastaan hai wahi jabeen wahi ashk hai wahi aasteen
Dil-e-zaar tu bhi badal kaheen ke jahan ke taur badal gaye
Tujhe chashm-e-mast pata bhi hai ke shabab garmi-e-bazm hai
Tujhe chashm-e-mast khabar bhi hai ke sab aabgeene pighal gaye
Mere kaam aa gayin akhirish yehi kawishein yehi gardishein
Badhein is qadar meri manzilein ke qadam ke khaar nikal gaye
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں