مجھے سہل ہو گئیں منزلیں وہ ہوا کے رخ بھی بدل گئے — مجروح سلطانپوری
شاعر
مجھے سہل ہو گئیں منزلیں وہ ہوا کے رخ بھی بدل گئے
مجھے سہل ہو گئیں منزلیں وہ ہوا کے رخ بھی بدل گئے
ترا ہاتھ ہاتھ میں آ گیا کہ چراغ راہ میں جل گئے
وہ لجائے میرے سوال پر کہ اٹھا سکے نہ جھکا کے سر
اڑی زلف چہرے پہ اس طرح کہ شبوں کے راز مچل گئے
وہی بات جو وہ نہ کہہ سکے مرے شعر و نغمہ میں آ گئی
وہی لب نہ میں جنہیں چھو سکا قدح شراب میں ڈھل گئے
وہی آستاں ہے وہی جبیں وہی اشک ہے وہی آستیں
دل زار تو بھی بدل کہیں کہ جہاں کے طور بدل گئے
تجھے چشم مست پتہ بھی ہے کہ شباب گرمیٔ بزم ہے
تجھے چشم مست خبر بھی ہے کہ سب آبگینے پگھل گئے
مرے کام آ گئیں آخرش یہی کاوشیں یہی گردشیں
بڑھیں اس قدر مری منزلیں کہ قدم کے خار نکل گئے
Mujhe sehl ho gayin manzilen, woh hawa ke rukh bhi badal gaye
Mujhe sehl ho gayin manzilen, woh hawa ke rukh bhi badal gaye
Tera haath haath mein aa gaya ke charaagh-e-raah mein jal gaye
Woh lajlajaaye mere sawaal par, ke utha sake na jhuka ke sar
Udi zulf chehre pe is tarah ke shaboon ke raaz machal gaye
Wohi baat jo woh na keh sake, mere sher-o-naghma mein aa gayi
Wohi lab na main jinhein chhoo saka, qadah-e-sharaab mein dhal gaye
Wohi aastaan hai, wohi jabeen, wohi ashk hai, wohi aasteen
Dil-e-zaar tu bhi badal kahin, ke jahan ke taur badal gaye
Tujhe chashm-e-mast pata bhi hai ke shabaab garmi-e-bazm hai
Tujhe chashm-e-mast khabar bhi hai ke sab aabgeene pighal gaye
Mere kaam aa gayin aakharash, yehi kawishen, yehi gardishen
Badhein is qadar meri manzilen ke qadam ke khaar nikal gaye
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں