نگاہ ساقیٔ نامہرباں یہ کیا جانے — مجروح سلطانپوری
شاعر
نگاہ ساقیٔ نامہرباں یہ کیا جانے
نگاہ ساقیٔ نامہرباں یہ کیا جانے
کہ ٹوٹ جاتے ہیں خود دل کے ساتھ پیمانے
ملی جب ان سے نظر بس رہا تھا ایک جہاں
ہٹی نگاہ تو چاروں طرف تھے ویرانے
حیات لغزش پیہم کا نام ہے ساقی
لبوں سے جام لگا بھی سکوں خدا جانے
تبسموں نے نکھارا ہے کچھ تو ساقی کے
کچھ اہل غم کے سنوارے ہوئے ہیں مے خانے
یہ آگ اور نہیں دل کی آگ ہے ناداں
چراغ ہو کہ نہ ہو جل بجھیں گے پروانے
فریب ساقئ محفل نہ پوچھئے مجروحؔ
شراب ایک ہے بدلے ہوئے ہیں پیمانے
Nigah-e-saaqi-e-na-meharban yeh kya jaane
Nigah-e-saaqi-e-na-meharban yeh kya jaane
Ke toot jaate hain khud dil ke saath paimane
Mili jab unse nazar bas raha tha ek jahan
Hati nigah to charon taraf the veerane
Hayat laghzish-e-paiham ka naam hai saaqi
Labon se jaam laga bhi sakoon Khuda jaane
Tabassumon ne nikhara hai kuch to saaqi ke
Kuch ahl-e-gham ke sanware hue hain maikhane
Yeh aag aur nahin dil ki aag hai nadan
Chiragh ho ke na ho jal bujhenge parwane
Fareb-e-saaqi-e-mehfil na poochhiye Majrooh
Sharab ek hai badle hue hain paimane
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں